«شىن مەنٸندە, ەدٸلدٸك بولماسا, ەشبٸر سالا دامىمايدى. حالقىمىز «ەدٸل ٸستٸڭ – بەرٸ يگٸ» دەپ بەكەر ايتپاعان. قۇزىرلى ورگاندار, لاۋازىمدى تۇلعالار شەشٸم قابىلداعاندا وسىنى ەردايىم ەستە ۇستاۋعا تيٸس.
ەدٸلەتسٸز قابىلدانعان شەشٸم بيلٸكتٸڭ بەدەلٸن تٷسٸرەدٸ. قوعامعا ٸرٸتكٸ سالىپ, حالىقتىڭ نارازىلىعىن تۋدىرادى. سوندىقتان, ەشقاشان ەدٸلدٸكتەن اتتاۋعا بولمايدى. بارلىق مەملەكەتتٸك قىزمەتشٸدەن ەدٸل بولۋدى تالاپ ەتەمٸن. سوندا عانا بٸز بەرەكەلٸ قوعام, مىقتى مەملەكەت بولامىز, - دەپ اتاپ ٶتتٸ قاسىم-جومارت توقاەۆ.
پرەزيدەنت سونداي-اق بٷگٸندە ەلٸمٸز ٷشٸن كٷردەلٸ مەسەلەگە اينالعان ازاماتتاردىڭ نەسيە الىپ, قارىزعا باتىپ جٷرگەنٸ جايىندا پٸكٸر بٸلدٸردٸ.
«مەن تاعى بٸر كٷردەلٸ مەسەلەگە توقتالعىم كەلٸپ وتىر. ەلٸمٸزدە كٶپ ادام نەسيە الىپ, قارىزعا باتىپ جٷر. بۇل مەسەلە مەنٸ دە قاتتى تولعاندىرادى. تاياۋ ارادا مەن وسى مەسەلە بويىنشا ۇسىنىسىمدى حالىققا جارييالايمىن», - دەدٸ ول.
