- ءبىز بوس ىسپەن، كوزبوياۋشىلىقپەن اينالىسپاۋىمىز كەرەك. جاڭا مەملەكەتتىك يندۋستريالىق-يننوۆاسيالىق باعدارلامانى دايىنداۋ كەزىندە الدىڭعى باعدارلامالاردىڭ بارلىق قاتەلىكتەرى ەسكەرىلۋى كەرەك. قىرىپ تاستادىق دەگەن كوزبوياۋشىلىقتىڭ كەرەگى جوق، وبەكتيۆتى تالداۋ، ءتيىمدى ءىس-قيمىل قاجەت، - دەپ اتاپ ءوتتى پرەزيدەنت تۆيتتەردە.

سونىمەن قاتار، توقايەۆ وبلىس اكىمدەرى مەن ۇكىمەتتىڭ الدىنا ناقتى مىندەت قويدى.

- ۇكىمەتتىڭ، پارلامەنت دەپۋتاتتارىنىڭ، وبلىس اكىمدەرىنىڭ مىندەتى - بار كۇش-جىگەرىن ۇزاق مەرزىمدى ەلباسى ستراتەگياسىن، ۇلت جوسپارى مەن بەس ينستيتۋسيونالدىق رەفورمانى تولىق ىسكە اسىرۋعا باعىتتاۋ. تەك وسى جولمەن ءبىز قيىندىقتار مەن قاۋىپ-قاتەردى جەڭە الامىز، - دەدى ول.

14 قاراشادا مەملەكەت باسشىسى جۇمىس ساپارىمەن كوكشەتاۋعا باردى.