مەملەكەت باسشىسى 2026 جىلدىڭ 15 ناۋرىزىندا قابىلدانعان كونستيتۋتسييانىڭ ەرەجەلەرٸن جٷزەگە اسىرۋ ماقساتىندا كونستيتۋتسييالىق زاڭدارعا قول قويدى, دەپ حابارلايدى dalanews.kz.
- "قازاقستان رەسپۋبليكاسىنىڭ پرەزيدەنتٸ تۋرالى" كونستيتۋتسييالىق زاڭى
زاڭ قازاقستان رەسپۋبليكاسى پرەزيدەنتٸنٸڭ قۇقىقتىق مەرتەبەسٸن, ٶكٸلەتتٸكتەرٸن جەنە قىزمەتٸن, سونداي-اق, قازاقستان رەسپۋبليكاسى ۆيتسە-پرەزيدەنتٸنٸڭ قۇقىقتىق مەرتەبەسٸن قامتاماسىز ەتۋ تەرتٸبٸن ايقىندايدى.
زاڭنىڭ باستى جاڭالىعى – ۆيتسە-پرەزيدەنت ينستيتۋتى قۇرىلۋى. مەملەكەت باسشىسىنىڭ تاپسىرماسى بويىنشا ۆيتسە-پرەزيدەنت مەملەكەتتٸك ورگاندارمەن ٶزارا ٸس-قيمىل بارىسىندا ونىڭ مٷددەلەرٸن بٸلدٸرەدٸ جەنە پرەزيدەنت ايقىنداعان مٸندەتتەردٸ ورىندايدى.
- "قازاقستان رەسپۋبليكاسىنىڭ قۇرىلتايى جەنە ونىڭ دەپۋتاتتارىنىڭ مەرتەبەسٸ تۋرالى" كونستيتۋتسييالىق زاڭى
كونستيتۋتسييالىق زاڭ قۇرىلتايدى ۇيىمداستىرۋ مەن ونىڭ قىزمەتٸن, زاڭ شىعارۋ پروتسەسٸن جەنە قۇرىلتايدىڭ ٶكٸلەتتٸكتەرٸن جٷزەگە اسىرۋدىڭ ٶزگە دە نىساندارىن, ونىڭ دەپۋتاتتارىنىڭ قۇقىقتىق مەرتەبەسٸن بەلگٸلەيدٸ.
قۇرىلتاي – زاڭ شىعارۋشى بيلٸكتٸ جٷزەگە اسىراتىن ەڭ جوعارى ٶكٸلدٸ ورگان. قۇرىلتاي پارتييالىق تٸزٸم بويىنشا سايلانعان 145 دەپۋتاتتان تۇرادى. قۇرىلتاي دەپۋتاتىنىڭ ٶكٸلەتتٸلٸك مەرزٸمٸ – 5 جىل. ورگاندى مەملەكەتتٸك تٸلدٸ جەتٸك مەڭگەرگەن دەپۋتاتتار اراسىنان جاسىرىن داۋىس بەرۋ ارقىلى كٶپشٸلٸك داۋىسپەن سايلاناتىن تٶراعا باسقارادى. زاڭدا قۇرىلتاي ٶكٸلەتتٸكتەرٸنٸڭ كەڭ اۋقىمى, سونىڭ ٸشٸندە ۆيتسە-پرەزيدەنتتٸ, پرەمەر-مينيستردٸ, كونستيتۋتسييالىق سوت سۋديالارىن, ورتالىق سايلاۋ كوميسسيياسىنىڭ, جوعارى اۋديتورلىق پالاتانىڭ مٷشەلەرٸن تاعايىنداۋعا كەلٸسٸم بەرۋ, قازاقستان رەسپۋبليكاسى پرەزيدەنتٸنٸڭ ۇسىنۋى بويىنشا جوعارعى سوتتىڭ سۋديالارىن سايلاۋ جەنە قىزمەتتەن بوساتۋ, كونستيتۋتسييالىق سوتتىڭ, جوعارعى سوتتىڭ سۋديالارىن قولسۇعىلماۋشىلىق قۇقىنان ايىرۋ, پرەزيدەنت سايلاۋىن تاعايىنداۋ, ٷكٸمەت پەن جوعارى اۋديتورلىق پالاتانىڭ رەسپۋبليكالىق بيۋدجەتتٸڭ ورىندالۋى تۋرالى ەسەپتەرٸن بەكٸتۋ ايقىندالادى.
- "قازاقستان حالىق كەڭەسٸ تۋرالى" كونستيتۋتسييالىق زاڭى
كونستيتۋتسييالىق زاڭ قازاقستان حالىق كەڭەسٸنٸڭ قۇقىقتىق مەرتەبەسٸن, ٶكٸلەتتٸگٸن, قۇرىلۋ تەرتٸبٸن, قۇرامىن قالىپتاستىرۋدى جەنە قىزمەتٸن ۇيىمداستىرۋدى بەلگٸلەيدٸ.
قازاقستان حالىق كەڭەسٸ جوعارى كونسۋلتاتيۆتٸك ورگان سانالادى. جالپىحالىقتىق ديالوگتى جەنە ازاماتتىق قوعامنىڭ ەلدەگٸ ٸشكٸ ساياساتتى قالىپتاستىرۋعا قاتىسۋىن قامتاماسىز ەتۋ ماقساتىندا قۇرىلادى. كەڭ اۋقىمداعى ٶكٸلەتتٸككە, سونىڭ ٸشٸندە زاڭنامالىق باستاما كٶتەرۋگە جەنە جالپىحالىقتىق رەفەرەندۋم ٶتكٸزۋدٸ ۇسىنۋعا قۇقىعى بار.
قازاقستان حالىق كەڭەسٸ قازاقستان رەسپۋبليكاسىنىڭ ازاماتتارىنان قۇرالادى. كەڭەس قۇرامىندا تەپە-تەڭدٸك قاعيداتى نەگٸزٸندە ەتنومەدەني جەنە قوعامدىق بٸرلەستٸكتەردٸڭ, سونداي-اق استانانىڭ, وبلىستاردىڭ, رەسپۋبليكالىق ماڭىزى بار قالالاردىڭ مەسليحاتتارى مەن قوعامدىق كەڭەستەرٸنٸڭ اتىنان 42 ادامنان ٶكٸلدٸك ەتەدٸ, ونى قازاقستان رەسپۋبليكاسىنىڭ پرەزيدەنتٸ بەكٸتەدٸ. حالىق كەڭەسٸنە تٶراعا باسشىلىق جاسايدى. حالىق كەڭەسٸنٸڭ ٶكٸلەتتٸك مەرزٸمٸ – تٶرت جىل.
- "قازاقستان رەسپۋبليكاسى استاناسىنىڭ مەرتەبەسٸ تۋرالى" كونستيتۋتسييالىق زاڭى
كونستيتۋتسييالىق زاڭ استانانىڭ جۇمىس ٸستەۋٸ سالاسىنداعى قوعامدىق قاتىناستاردى رەتتەيدٸ جەنە ونىڭ قىزمەتٸنٸڭ قۇقىقتىق, ەكونوميكالىق جەنە ۇيىمدىق نەگٸزدەرٸن ايقىندايدى. قۇجاتتا مەسليحاتتىڭ, جەرگٸلٸكتٸ ٶزٸن ٶزٸ باسقارۋ ورگانىنىڭ جەنە قالا ەكٸمٸ جەتەكشٸلٸك ەتەتٸن جەرگٸلٸكتٸ اتقارۋشى ورگاننىڭ ٶكٸلەتتٸكتەرٸ ناقتى بەلگٸلەنگەن. زاڭ شاھاردىڭ بٸرىڭعاي سەۋلەتتٸك كەلبەتٸ مەن ديزاين كودىنا قويىلاتىن مٸندەتتٸ تالاپتاردى ايقىندايدى, سونداي-اق ەلوردا تٸرشٸلٸگٸن قامتاماسىز ەتۋ جەنە ينفراقۇرىلىمدى دامىتۋ جٶنٸندەگٸ ۆەدومستۆولىق باعىنىستى ۇيىمداردىڭ ٶكٸلەتتٸكتەرٸن بەكٸتەدٸ.
- "ەكٸمشٸلٸك-اۋماقتىق قۇرىلىس تۋرالى" كونستيتۋتسييالىق زاڭ
كونستيتۋتسييالىق زاڭ ەكٸمشٸلٸك-اۋماقتىق بٸرلٸكتەردٸ قۇرۋ جەنە تاراتۋ, ولاردىڭ شەكارالارىن بەلگٸلەۋ جەنە ٶزگەرتۋ, ەكٸمشٸلٸك-اۋماقتىق بٸرلٸكتەردٸ ەسەپكە الۋ جەنە تٸركەۋ, اتاۋلار بەرۋ مەن اتاۋلاردى ٶزگەرتۋ تەرتٸبٸن ايقىندايدى.
ەكٸمشٸلٸك-اۋماقتىق قۇرىلىمداعى قوعامدىق قاتىناستاردى مەملەكەتتٸك رەتتەۋدٸڭ ماقساتى – تيٸمدٸ مەملەكەتتٸك باسقارۋ ٷشٸن قازاقستان رەسپۋبليكاسىنىڭ ۇتىمدى اۋماقتىق ۇيىمداستىرىلۋىن قامتاماسىز ەتۋ.
