مەملەكەت باسشىسى قاسىم-جومارت توقاەۆ مەدەنيەت جەنە ٶنەر قىزمەتكەرلەرٸن ماراپاتتاۋ رەسٸمٸندە سٶز سٶيلەدٸ. قاسىم-جومارت توقاەۆتىڭ ايتۋىنشا, مەملەكەت ٶنەر سالاسىن ٶركەندەتۋگە ەردايىم ەرەكشە مەن بەرەدٸ. ٶيتكەنٸ مەدەنيەتٸ وزىق ەلدٸڭ رۋحى بيٸك بولادى, دەپ حابارلايدى Dalanews.kz.
"بىلتىردىڭ ٶزٸندە 45 جاڭا مەدەنيەت نىسانى سالىندى. بۇل جۇمىس بولاشاقتا دا جالعاسىن تابادى. تەاتر – رۋحانيياتىمىزدىڭ نەگٸزگٸ تٸرەگٸنٸڭ بٸرٸ. ۇلتتىق قۇرىلتايدىڭ بۋرابايدا ٶتكەن وتىرىسىندا ايماقتاعى تەاترلاردى دامىتۋ تۋرالى ناقتى تاپسىرما بەرٸلدٸ. تەاترلاردىڭ كٶپشٸلٸگٸ تولىق جاڭعىرتۋدى قاجەت ەتەدٸ. كەيبٸرٸنە جاڭا عيمارات كەرەك. وسى جۇمىسقا كەسٸپكەرلەر مەن مەتسەناتتاردى جۇمىلدىرعان ابزال. بۇل – ەلەمدە كەڭ تارالعان تەجٸريبە. مۇنداي جوبالارعا ينۆەستيتسييا سالۋعا دايىن ازاماتتار از ەمەس. مەن بيزنەس ٶكٸلدەرٸن رۋحانيياتىمىزدى دامىتۋ ٸسٸنە اتسالىسۋعا شاقىرامىن", – دەدٸ مەملەكەت باسشىسى.
پرەزيدەنت ەلٸمٸزدە ٸرگەلٸ مەدەنيەت وشاقتارى كٶپ ەكەنٸنە نازار اۋدارىپ, ولار تالاي جىلدان بەرٸ كٶرەرمەن قاۋىمعا تاعىلىمدى قويىلىمدار ۇسىنىپ كەلە جاتقانىن جەتكٸزدٸ.
"وسى ورايدا بيكەن ريموۆا اتىنداعى قازاق دراما تەاترىنا, الماتى قالاسىنداعى مەملەكەتتٸك قۋىرشاق تەاترىنا جەنە عاريفوللا قۇرمانعاليەۆ اتىنداعى فيلارمونيياعا اكادەمييالىق مەرتەبە بەرۋ قاجەت دەپ سانايمىن. بۇل قادام مەدەنيەت مەكەمەلەرٸنٸڭ جۇمىسىنا تىڭ سەرپٸن بەرەرٸ سٶزسٸز", – دەدٸ مەملەكەت باسشىسى.
