مەملەكەت باسشىسى ۇلتتىق قۇرىلتايدا مەملەكەتتٸڭ اتاۋىن ٶزگەرتۋگە قاتىستى ٶزٸ ويىن اشىپ ايتتى.
– كەيبٸر ازاماتتارىمىز رەفەرەندۋم كەزٸندە مەملەكەتتٸڭ اتاۋى دا ٶزگەرۋگە تيٸس ەدٸ دەگەن پٸكٸر ايتىپ جٷر. ولار «قازاقستان» اتاۋىنداعى «ستان» سٶزٸن ەلٸمٸزگە دە, بٷكٸل ازيياعا دا جات ۇعىم دەپ سانايدى. مۇنى دا قيسىندى دەپ ايتۋعا بولمايدى.
سەبەبٸ, ەلەمدە دەل وسىنداي پەكٸستان, ٷندٸستان, اۋعانستان جەنە ورتالىق ازييا مەملەكەتتەرٸ بار. ەڭ باستى مەسەلە, بٸز تەۋەلسٸز ەلٸمٸز – قازاقستان رەسپۋبليكاسى اتىنان 30 جىل ٸشٸندە كٶپتەگەن حالىقارالىق كەلٸسٸمشارتتارعا قول قويدىق, مەملەكەتتٸك شەكارامىزدى بەكٸتتٸك. وسىنداي جاعدايدا مەملەكەتٸمٸزدٸڭ اتاۋىن ٶزگەرتۋ جاۋاپسىز شەشٸم بولار ەدٸ. بۇل – ەڭ الدىمەن, ۇلتتىق قاۋٸپسٸزدٸگٸمٸزگە جەنە حالقىمىزدىڭ بەيبٸت ٶمٸرٸنە تٸكەلەي ەسەرٸ بار ٶتە ماڭىزدى مەسەلە, – دەدٸ.
سونىمەن قاتار قر پرەزيدەنتٸ جاڭا قازاقستاندى قۇرۋعا قاتىستى ويىمەن بٶلٸستٸ.
– جاڭا قازاقستان بٸر كٷندە نەمەسە بٸر جىلدا قۇرىلمايتىنى انىق. بۇل – بٷكٸل قوعامدى ٶزگەرتەتٸن كٷردەلٸ ەرٸ ۇزاق ٷدەرٸس. مۇنى جٷزەگە اسىرۋ ٷشٸن بٸر عانا بيلٸك ەرەكەت ەتسە, بۇل, ەرينە, جەتكٸلٸكسٸز. بٷكٸل ەل بولىپ جۇمىلساق, كٶزدەگەن ماقساتىمىزعا جەتەمٸز. سول سەبەپتٸ, مەن جولداۋىمدا ۇلتتىق قۇرىلتاي شاقىرۋ تۋرالى باستاما كٶتەردٸم.
قۇرىلتاي شاقىرۋ ەرتەدەن كەلە جاتقان اتا دەستٷرٸمٸز ەكەنٸن جاقسى بٸلەسٸزدەر. بابالارىمىز ماڭىزدى مەسەلەلەردٸ وسىنداي القالى جيىندا تالقىلاعان. حالىق ٶزارا اقىلداسا وتىرىپ, بٸر توقتامعا كەلگەن. مۇنداي شەشٸمدەر بٷكٸل ەلدٸ بٸرٸكتٸرگەن.
تٶل تاريحىمىزدا ۇلت تاعدىرىن شەشكەن قۇرىلتايلار بولعان. ونىڭ كٶبٸ حالقىمىز ٷشٸن ماڭىزدى كەزەڭدە ٶتكٸزٸلگەن. تالاس قۇرىلتايىنان كەيٸن التىن وردا دەربەس مەملەكەت بولدى. قاراقۇم جەنە ورداباسى قۇرىلتايلارى جۇرتىمىزدى ەل قورعاۋعا ۇيىستىردى. ورىنبورداعى بٸرٸنشٸ قازاق قۇرىلتايىندا الاش پارتيياسى قۇرىلدى. ەكٸنشٸ قۇرىلتايدا الاش اۆتونوميياسى جارييالاندى, – دەپ تاريحقا شەگٸنٸس جاسادى.
