مەملەكەت باسشىسى قاسىم-جومارت توقايەۆ بۇگىن "ەگمونت" قارجىلىق بارلاۋ بولىمشەلەرى توبىنىڭ ءتوراعاسى ەلجبەتا فرانكوۆ-ياسكيەۆيچتى قابىلدادى، دەپ حابارلايدى Dalanews.kz اقورداعا سىلتەمە جاساپ.
كەزدەسۋ بارىسىندا اقشانى جىلىستاتۋعا جانە تەرروريزمدى قارجىلاندىرۋعا قارسى كۇرەس سالاسىنداعى حالىقارالىق ىنتىماقتاستىقتىڭ وزەكتى ماسەلەلەرى تالقىلاندى.
مەملەكەت باسشىسى قاسىم-جومارت توقايەۆ:
- جاھانداعى قارجىلىق قاۋىپسىزدىكتى نىعايتۋعا جانە اكتيۆتەردى قايتارۋ تيىمدىلىگىن ارتتىرۋعا ۇلەس قوسىپ جۇرگەن باستى حالىقارالىق پلاتفورما رەتىندە "ەگمونت" توبىنىڭ ماڭىزى زور ەكەنىنە نازار اۋداردى؛
- قازاقستاننىڭ "اقشانى جىلىستاتۋعا قارسى" ۇلتتىق جۇيەسىن حالىقارالىق ستاندارتتارعا ساي ودان ءارى جەتىلدىرۋگە نيەتتى ەكەنىن راستادى؛
- زاڭ ۇستەمدىگىن قامتاماسىز ەتىپ، قوعامدىق قاۋىپسىزدىكتى نىعايتۋ ماقساتىندا "زاڭ جانە ءتارتىپ" تۇجىرىمداماسى قابىلدانعانىن جەتكىزدى.
ءوز كەزەگىندە ەلجبەتا فرانكوۆ-ياسكيەۆيچ قازاقستاندا جۇرگىزىلىپ جاتقان رەفورمالارعا جوعارى باعا بەرىپ، ونىڭ تيىمدىلىگىن اتاپ ءوتتى.
