بەلگيياعا رەسمي ساپارمەن بارعان پرەزيدەنت قاسىم-جومارت توقاەۆ بەلگييا پرەمەر-مينيسترٸ بارت دە ۆەۆەرمەن كەزدەسٸپ, ساياسي ديالوگتى نىعايتۋ, ساۋدا-ەكونوميكالىق جەنە ينۆەستيتسييالىق ىنتىماقتاستىقتى كەڭەيتۋ مەسەلەلەرٸن تالقىلادى, دەپ حابارلايدى dalanews.kz.
مەملەكەت باسشىسى بەلگييانى قازاقستاننىڭ ەۋروپالىق وداقتاعى نەگٸزگٸ سەرٸكتەستەرٸنٸڭ بٸرٸ دەپ اتادى. ونىڭ ايتۋىنشا, سوڭعى 20 جىلدا بەلگييادان قازاقستان ەكونوميكاسىنا تارتىلعان تٸكەلەي ينۆەستيتسييا كٶلەمٸ 15 ملرد دوللارعا جەتكەن.
«قازاقستاندا بەلگييالىق كاپيتالدىڭ قاتىسۋىمەن 110-نان استام كومپانييا جۇمىس ٸستەيدٸ. بۇل ٶزارا تيٸمدٸ ىنتىماقتاستىقتى نىعايتۋعا دەگەن ورتاق ۇمتىلىستى كٶرسەتەدٸ. تانىمال بەلگييالىق كومپانييالار بٸزدٸڭ ەلدٸڭ نارىعىنا كٶپتەپ كەلٸپ جاتىر», – دەدٸ قاسىم-جومارت توقاەۆ.
پرەزيدەنتتٸڭ ايتۋىنشا, بىلتىر ەكٸ ەل اراسىنداعى تاۋار اينالىمى 580 ملن دوللاردان اسقان.
كەزدەسۋ بارىسىندا كٶلٸك-لوگيستيكا, اسا ماڭىزدى مينەرالدار, مۇناي-حيمييا, اۋىل شارۋاشىلىعى, ٶنەركەسٸپ, تسيفرلىق ترانسفورماتسييا, جاساندى ينتەللەكت جەنە قارجى سالالارىنداعى بٸرلەسكەن جوبالاردى جٷزەگە اسىرۋ مەسەلەلەرٸ قارالدى.
ٶز كەزەگٸندە بارت دە ۆەۆەر بەلگييانىڭ قازاقستانمەن ستراتەگييالىق سەرٸكتەستٸكتٸ كەڭەيتۋگە مٷددەلٸ ەكەنٸن ايتتى.
«بەلگييا ەكٸجاقتى قارىم-قاتىناستى ودان ەرٸ تەرەڭدەتۋگە جەنە ستراتەگييالىق سەرٸكتەستٸك اياسىن كەڭەيتۋگە نيەتتٸ», – دەدٸ بەلگييا پرەمەر-مينيسترٸ.
قاسىم-جومارت توقاەۆ بەلگييا كورولٸ فيليپپتٸڭ بيىل قازاقستانعا جاسايتىن مەملەكەتتٸك ساپارىنا ەرەكشە مەن بەرەتٸنٸن اتاپ ٶتتٸ.
«قوس مەملەكەت اراسىنداعى قاتىناستار تاريحىندا العاش رەت كورول فيليپپتٸڭ قازاقستانعا مەملەكەتتٸك ساپارمەن كەلۋٸ ەكٸجاقتى ىنتىماقتاستىقتى جاڭا دەڭگەيگە كٶتەرەدٸ دەپ سەنەمٸن», – دەدٸ مەملەكەت باسشىسى.
پرەزيدەنت بارت دە ۆەۆەردٸ قازاقستانعا رەسمي ساپارمەن كەلۋگە شاقىرىپ, پرەمەر-مينيستر بۇل ۇسىنىستى ىقىلاسپەن قابىل الدى.
