پرەزيدەنت پرەمەر-مينيستر ولجاس بەكتەنوۆتى قابىلدادى، - دەپ حابارلايدى Dalanews.kz.
ولجاس بەكتەنوۆ: ەلىمىزدىڭ الەۋمەتتىك-ەكونوميكالىق دامۋ كورسەتكىشتەرى، ەگىن وراعى جانە جىلىتۋ ماۋسىمىنا دايىندىق بارىسى تۋرالى اقپارات بەردى:
- بيىلعى قاڭتار-تامىز ايلارى ارالىعىندا ەكونوميكانىڭ ءوسىمى 3،7 پايىزدى قۇراعان؛
- قۇرىلىس (8،8%)، كولىك جانە قويما ءىسى (7،9%)، بايلانىس (7،4%)، ساۋدا (5،5%)، وڭدەۋ ونەركاسىبى (4،9%) سەكتورلارىنداعى كورسەتكىش ەداۋىر جاقسارعان؛
- اۋىل شارۋاشىلىعىن جەڭىلدىكپەن قارجىلاندىرۋ كولەمى 3 ەسە ۇلعايىپ، 580 ميلليارد تەڭگەگە جەتكەن. بۇگىندە ەلىمىز بويىنشا ءداندى جانە بۇرشاقتى داقىلدار القابىنىڭ 70،2 پايىزى جينالىپ، 17،2 ميلليون توننا استىق باستىرىلعان. ديقاندار ارزان جانار-جاعارمايمەن جەتكىلىكتى مولشەردە قامتاماسىز ەتىلگەن؛
بارلىق وڭىردە الداعى جىلىتۋ ماۋسىمىنا دايىندىق جۇمىستارى جۇرگىزىلىپ جاتقانى جونىندە باياندادى:
- الەۋمەتتىك نىسانداردىڭ دايىندىعى جوعارى دەڭگەيدە. تۇرعىن ۇيلەردى جىلىتۋ ماۋسىمىنا ازىرلەۋ جۇمىستارى 98،3 پايىزعا ورىندالعان؛
- ەلەكتر ستانسيالارىنا جىل سايىن 60 ميلليون توننا كومىر قاجەت. ءقازىر ونىڭ قاجەتتى قورى بار؛
سۋ تاسقىنى سالدارىن جويۋ جونىندەگى بۇعان دەيىن بەرىلگەن تاپسىرمالارىنىڭ ورىندالۋ بارىسى مەن كەلەسى جىلى سۋ تاسقىنى جاعدايىنىڭ الدىن الۋ شارالارى تۋرالى ايتتى:
- زارداپ شەككەندەردىڭ بارلىعىنا الەۋمەتتىك قولداۋ كورسەتىلىپ، بۇلىنگەن دۇنيە-مۇلكى ءۇشىن وتەماقى تولەنگەن؛
- باسپاناسىنان ايىرىلعاندارعا 5767 تۇرعىن ءۇي ساتىپ الىندى جانە 2576 جاڭا ءۇي سالىنعان. اقمولا مەن باتىس قازاقستان وبلىستارىنداعى 104 نىساندا جۇمىس اياقتالۋعا جاقىن؛
- سۋ تاسقىنىنا قارسى ءىس-شارالار جوسپارى جۇزەگە اسىرىلىپ جاتىر.
مەملەكەت باسشىسى ەلىمىزدىڭ ونەركاسىپ الەۋەتىن ودان ءارى ارتتىرۋ جانە ينفراقۇرىلىمدى جاڭعىرتۋ جونىندە ءبىرقاتار تاپسىرما بەردى.
