Prezident Premer-Ministr Oljas Bektenovti qabyldady, - dep habarlaidy Dalanews.kz.
Oljas Bektenov: elimizdiń áleýmettik-ekonomikalyq damý kórsetkishteri, egin oraǵy jáne jylytý maýsymyna daiyndyq barysy týraly aqparat berdi:
- biylǵy qańtar-tamyz ailary aralyǵynda ekonomikanyń ósimi 3,7 paiyzdy quraǵan;
- qurylys (8,8%), kólik jáne qoima isi (7,9%), bailanys (7,4%), saýda (5,5%), óńdeý ónerkásibi (4,9%) sektorlaryndaǵy kórsetkish edáýir jaqsarǵan;
- aýyl sharýashylyǵyn jeńildikpen qarjylandyrý kólemi 3 ese ulǵaiyp, 580 milliard teńgege jetken. Búginde elimiz boiynsha dándi jáne burshaqty daqyldar alqabynyń 70,2 paiyzy jinalyp, 17,2 million tonna astyq bastyrylǵan. Diqandar arzan janar-jaǵarmaimen jetkilikti mólsherde qamtamasyz etilgen;
Barlyq óńirde aldaǵy jylytý maýsymyna daiyndyq jumystary júrgizilip jatqany jóninde baiandady:
- áleýmettik nysandardyń daiyndyǵy joǵary deńgeide. Turǵyn úilerdi jylytý maýsymyna ázirleý jumystary 98,3 paiyzǵa oryndalǵan;
- elektr stantsiialaryna jyl saiyn 60 million tonna kómir qajet. Qazir onyń qajetti qory bar;
Sý tasqyny saldaryn joiý jónindegi buǵan deiin berilgen tapsyrmalarynyń oryndalý barysy men kelesi jyly sý tasqyny jaǵdaiynyń aldyn alý sharalary týraly aitty:
- zardap shekkenderdiń barlyǵyna áleýmettik qoldaý kórsetilip, búlingen dúnie-múlki úshin ótemaqy tólengen;
- baspanasynan aiyrylǵandarǵa 5767 turǵyn úi satyp alyndy jáne 2576 jańa úi salynǵan. Aqmola men Batys Qazaqstan oblystaryndaǵy 104 nysanda jumys aiaqtalýǵa jaqyn;
- sý tasqynyna qarsy is-sharalar jospary júzege asyrylyp jatyr.
Memleket basshysy elimizdiń ónerkásip áleýetin odan ári arttyrý jáne infraqurylymdy jańǵyrtý jóninde birqatar tapsyrma berdi.
