مەملەكەت باسشىسى قاسىم-جومارت توقايەۆ اتىراۋدا ءوتىپ جاتقان ۇلتتىق قۇرىلتايدىڭ ءۇشىنشى وتىرىسىندا ەسكەرتكىش ورناتۋ ماسەلەسىنە كوڭىل ءبولدى، - دەپ حابارلايدى Dalanews.kz.

"ءاربىر قازاق اتا-باباسىن قۇرمەتتەيدى، رۋحىنا تاعزىم ەتەدى. سوندىقتان، شەجىرە ءبىزدىڭ مادەني كودىمىزدىڭ اجىراماس بولىگىنە اينالعان. ءبىراق ءبىز تەك قانا وسى تۇسىنىكپەن شەكتەلىپ قالماۋىمىز قاجەت. ەڭ باستىسى، بۇل ماسەلەنى ەشقاشان ساياساتپەن ارالاستىرۋعا بولمايدى.

سوڭعى كەزدە اتا-باباسىنىڭ، جەرلەسىنىڭ ەسىمىن ۇلىقتاۋدى سۇراپ، ۇجىمدىق حات جازۋ ادەتكە اينالىپ بارادى. اتاسىنا ەسكەرتكىش قويۋدى، كوشەگە اتىن بەرۋدى وتىنەتىندەر كوبەيدى. بۇل – جاعىمسىز جاعداي. مۇنداي ۇستانىمدار ەلىمىزدىڭ ءبىرتۇتاس يدەولوگيالىق كەڭىستىگىنە زيان كەلتىرەدى. ۇرپاق تاربيەسىنە كەسىرىن تيگىزەدى. ءتىپتى، شەتەلدە ءبىزدى كونە زامانعا جانە كەڭەستىك كەزەڭگە قاتىستى مونۋمەنتتەر قاپتاعان "ەسكەرتكىشتەر ەلى"دەپ ايتاتىن بولدى.

ونوماستيكا سالاسىندا بەلگىلى تاريحي تۇلعالارمەن قاتار، جالپىۇلتتىق قۇندىلىقتار دا نازاردان تىس قالماۋعا ءتيىس. تاۋەلسىزدىك، رەسپۋبليكا، بىرلىك سياقتى مەملەكەتتىلىگىمىزدىڭ باستى تۇعىرى سانالاتىن نەگىزگى ۇعىمدارعا باسا ءمان بەرۋ كەرەك. ەلدىگىمىزدى ساقتايمىز، مىقتى مەملەكەت بولامىز دەسەك، وسىنىڭ ءبارىن ەستەن شىعارماعان ابزال"، - دەدى توقايەۆ.