مەملەكەت باسشىسى ۇلتتىق بانكتىڭ جىلدىق ەسەبىن تىڭدادى. پرەزيدەنت قاسىم-جومارت توقايەۆتىڭ توراعالىعىمەن اقوردادا وتكەن كەڭەستە ۇلتتىق بانكتىڭ 2024 جىلى اتقارعان قىزمەتى تۋرالى ەسەپ بەرىلدى، دەپ حابارلايدى Dalanews.kz.
اقوردا باسپا ءسوز قىزمەتىنىڭ حابارلاۋىنشا، مەملەكەت باسشىسىنا ماكروەكونوميكالىق احۋال، اقشا-نەسيە ساياساتىنىڭ نەگىزگى كورسەتكىشتەرى، قارجى جۇيەسىنىڭ جاي-كۇيى، حالىقارالىق رەزەرۆتەر، بجزق مەن ۇلتتىق قور اكتيۆتەرى تۋرالى باياندالدى.
جيىن بارىسىندا ۇلتتىق بانكتىڭ قىزمەتىنە قاتىستى وزەكتى ماسەلەلەر تالقىلاندى. سونىمەن قاتار رەسپۋبليكالىق بيۋدجەتتىڭ ورىندالۋى، ينفلياسيانى تومەندەتۋ، اقشا-نەسيە ساياساتى، "بانكتەر جانە بانك قىزمەتى تۋرالى" جاڭا زاڭ جوباسى، ەكونوميكانىڭ ناقتى سەكتورىن كرەديتتەۋ، سونداي-اق ۇلتتىق بانكتىڭ التىن-ۆاليۋتا اكتيۆتەرىنىڭ جاعدايى قاراستىرىلدى.
