مەملەكەت باسشىسى اقمولا وبلىسىنىڭ ەكٸمٸ مارات احمەتجانوۆتى قابىلدادى, دەپ حابارلايدى Dalanews.kz.
قاسىم-جومارت توقاەۆقا اقمولا وبلىسىنىڭ بيىلعى بٸرٸنشٸ جارتىجىلدىقتاعى ەلەۋمەتتٸك-ەكونوميكالىق دامۋى مەن ٶڭٸردٸ ٶركەندەتۋ پەرسپەكتيۆاسى جٶنٸندە باياندالدى.
مارات احمەتجانوۆ وبلىستا بارلىق نەگٸزگٸ كٶرسەتكٸش بويىنشا ٶسٸم ساقتالىپ وتىرعانىن جەتكٸزدٸ. ٶڭٸر اۋىل شارۋاشىلىعى ٶنٸمدەرٸنٸڭ جالپى كٶلەمٸن 1,2 تريلليون تەڭگەگە دەيٸن جەتكٸزٸپ, ەلدٸڭ اگرارلىق سەكتورىنىڭ كٶشباسشىسى رەتٸندەگٸ ورنىن نىعايتۋدى كٶزدەپ وتىر. بيىل ٶنٸمدٸلٸگٸ ٶتە جوعارى, سونىڭ ٸشٸندە مايلى داقىلدار القابى 2,5 ەسە ۇلعايدى.
پرەزيدەنتكە ينۆەستيتسييالىق جوبالاردى ٸسكە اسىرۋ جٶنٸندە مەلٸمەت بەرٸلدٸ. ارشالى اۋدانىندا رەسپۋبليكالىق ماڭىزى بار Aqmola يندۋسترييالىق ايماعى قۇرىلدى. جالپى قۇنى 4 ميلليارد دوللاردان اساتىن ينۆەستيتسييالىق پورتفەل جاساقتالدى. وسى ارقىلى 10 مىڭعا جۋىق جۇمىس ورنى اشىلادى.
مەملەكەت باسشىسىنا ەلەۋمەتتٸك ينفراقۇرىلىمدار قۇرىلىسىنىڭ بارىسى تانىستىرىلدى. سوڭعى ەكٸ جىل ٸشٸندە 4,7 مىڭ تۇرعىن باسپانالى بولدى. بۇل الدىڭعى جەتٸ جىلدىڭ كٶرسەتكٸشٸنە تەڭ. وسىلايشا, كەزەكتە تۇرعان حالىقتىڭ ەلەۋمەتتٸك وسال توبى 29 پايىزعا ازايدى. قوسشى قالاسىندا ٷلەسكەرلەردٸڭ مەسەلەسٸ وڭ شەشٸلٸپ جاتىر.
بٸلٸم بەرۋ سالاسىندا ەكٸ جىل ٸشٸندە 21 مىڭ وقۋشىعا ارنالعان 33 نىسان بوي كٶتەردٸ. جاڭا وقۋ جىلى قارساڭىندا ٶڭٸردە اپاتتى جاعدايداعى جەنە ٷش اۋىسىمدى مەكتەپتەر مەسەلەسٸ تولىق شەشٸلدٸ.
جىلىتۋ ماۋسىمىنا دايىندىق جوسپارعا ساي جٷرگٸزٸلٸپ جاتىر. كٶكشەتاۋدا ەلەكتر قۋاتى 240 مۆت, ال جىلۋ قۋاتى 520 گكال/ساعات بولاتىن جىلۋ ەلەكتر ورتالىعى سالىنا باستادى. سۋ تازارتۋ نىساندارىنىڭ قۇرىلىسى اياقتالۋعا جاقىن. سونىڭ نەتيجەسٸندە وبلىس ورتالىعىندا تۇراتىن 200 مىڭ تۇرعىن ساپالى اۋىز سۋمەن قامتىلادى. جىل سوڭىنا دەيٸن 9 ەلدٸ مەكەنگە گاز قۇبىرى تارتىلادى.
كەزدەسۋ سوڭىندا پرەزيدەنت رەنوۆاتسييا باعدارلاماسى ارقىلى حالىقتىڭ ەلەۋمەتتٸك وسال توبىن باسپانامەن قامتۋداعى وبلىستىڭ وڭ تەجٸريبەسٸن اتاپ ٶتتٸ.
مەملەكەت باسشىسى ەگٸن جيناۋ ناۋقانىن ۇيىمداستىرۋ, قوسشى قالاسىنىڭ دامۋى بويىنشا تيٸستٸ شارالاردى قابىلداۋ, سۋ تاسقىنىنا قارسى جٷيەلٸ جۇمىس جٷرگٸزۋ, سونداي-اق ينۆەستيتسييا تارتۋ جٶنٸندە ناقتى تاپسىرما بەردٸ.
