كەشە الماتىداعى اسكەريلەر ۇيىندە ەلىمىزدەگى تۇڭعىش ينتەرناسيونال سۋرەتشى ەربوسىن مەلدىبەكوۆتىڭ «بوران – بايقوڭىر، جىبەك جولى مەن قۇس جولىنىڭ اراسى» اتتى جەكە كورمەسى اشىلدى، دەپ حابارلايدى Dalanews.kz.
بۇل ءىس-شارادا بۇرىنعى پرەزيدەنت نۇرسۇلتان نازاربايەۆتىڭ ەسكەرتكىشىنىڭ قۇلاپ بارا جاتقانىن بەينەلەيتىن «پادەنيە اۆتورا» اتتى ونەر تۋىندىسى كوپشىلىكتىڭ نازارىىن اۋداردى. ءتىپتى، ونىڭ ۆيدەوسى مەن سۋرەتتەرى جەلىگە تاراپ كەتتى. الايدا، ەكس-بىرىنشىنىڭ جاقتاستارى اۆتورعا قوقان-لوقى كورسەتىپ جاتقان كورىنەدى.
– مەنىڭ بۇل تۋىندىم بار بولعانى تالدىقورعانداعى ءبىر ەسكەرتكىشتىڭ تاعدىرىن بەينەلەيدى. قاڭتار بۇلىگى كەزىندە قۇلاعان ەسكەرتكىش بار-جوعى ءۇش سەكۋندتىڭ ىشىندە جەرمەن-جەكسەن بولدى عوي. بار بولعانى سونى بەينەلەدىم. ياعني، سيتۋاسياعا ساياسي ەمەس، ونەر جاعىنان قارادىم. سوندىقتان بۇعان بولا مەنى جازعىرۋ ورىنسىز دەپ بىلەمىن. ولاي بولسا، رەپرەسسيا، كونسلاگەر تۋرالى اقىندار مەن رەجيسسەرلەرگە ايتقىزباي، جازعىزباي قويسىن، - دەدى ەربوسىن مەلدىبەكوۆ NEGE تىلشىسىنە.
ول وسى ءمۇسىندى جاساۋ ءۇشىن بانكتەن نەسيە العانىن دا جاسىرمادى.
