Keshe Almatydaǵy Áskerıler úıinde elimizdegi tuńǵysh ınternasıonal sýretshi Erbosyn Meldibekovtiń «Boran – Baıqońyr, Jibek joly men Qus jolynyń arasy» atty jeke kórmesi ashyldy, dep habarlaıdy Dalanews.kz.

Bul is-sharada burynǵy prezıdent Nursultan Nazarbaevtyń eskertkishiniń qulap bara jatqanyn beıneleıtin «Padenıe avtora» atty óner týyndysy kópshiliktiń nazaryyn aýdardy. Tipti, onyń vıdeosy men sýretteri jelige tarap ketti. Alaıda, eks-birinshiniń jaqtastary avtorǵa qoqan-loqy kórsetip jatqan kórinedi.

– Meniń bul týyndym bar bolǵany Taldyqorǵandaǵy bir eskertkishtiń taǵdyryn beıneleıdi. Qańtar búligi kezinde qulaǵan eskertkish bar-joǵy úsh sekýndtyń ishinde jermen-jeksen boldy ǵoı. Bar bolǵany sony beıneledim. Iaǵnı, sıtýasıaǵa saıası emes, óner jaǵynan qaradym. Sondyqtan buǵan bola meni jazǵyrý orynsyz dep bilemin. Olaı bolsa, repressıa, konslager týraly aqyndar men rejıserlerge aıtqyzbaı, jazǵyzbaı qoısyn, - dedi Erbosyn Meldibekov NEGE tilshisine.

Ol osy músindi jasaý úshin bankten nesıe alǵanyn da jasyrmady.