"قازاق ءالىپبيىن لاتىن جازۋىنا اۋدارۋ جوسپارى دايىندالدى. لاتىن گرافيكاسى نەگىزىندە جاڭا قازاق الىپبيىندە دۇرىس جازۋ قاعيدالارى، ءماتىندى لاتىن الىپبيىنە اۋدارۋدىڭ ءىت قوسىمشالارى ازىرلەنەدى"، – دەدى ۆيسە-مينيستر.
ونىڭ ايتۋىنشا، 2021-2023 جىلدارى لاتىن گرافيكاسى نەگىزىندە مەملەكەتتىك تىلدە قازاقستان رەسپۋبليكاسىنىڭ ءتولقۇجاتىن، جەكە كۋالىگىن جانە باسقا دا قۇجاتتاردى بەرۋدى قامتاماسىز ەتۋ كوزدەلگەن. فيلولوگتار مەن عالىم-لينگۆيستەردى تارتا وتىرىپ، ورتالىقتاردىڭ وقىتۋشىلارى مەن ەرەسەك حالىقتى ۇيرەتۋ ءۇشىن سەمينارلار مەن لەكسيالار، كۋرستار ۇيىمداستىرىلادى.
"ءۇشىنشى كەزەڭ 2024-2025 جىلدارى مەملەكەتتىك ورگاندارىنىڭ، ءبىلىم بەرۋ ۇيىمدارىنىڭ، مەملەكەتتىك ب ا ق جانە باسپالاردىڭ قۇجات اينالىمدارىن كەزەڭمەنەن كوشىرۋ جوسپارلانعان. مينيسترلىك جانىندا جۇمىستى ۇيلەستىرۋ ماقساتىندا «ءتىل قازىنا» ورتالىعى قۇرىلۋدا"، – دەپ تۇيىندەدى ەرلان قوجاعاپانوۆ.
