تٶلەشوۆ رەسەيمەن قانداي بايلانىستا بولعان?
"مەدۋزا" پورتالى تٶلەشوۆتٸڭ كٸم ەكەنٸن جەنە ونىڭ رەسەيمەن قانداي بايلانىستى ەكەنٸن, سونىمەن قاتار كەسٸپكەردٸڭ نەلٸكتەن تٷرمەگە تٷسٸپ قالعانىن انىقتادى.
ناقتىراق ايتقاندا, باسىلىم تٶلەشوۆتٸڭ رەسەي ازاماتى بولعان ٶزبەك كەسٸپكەرٸ گافۋر راحيموۆپەن بايلانىسىن اتاپ وتىر. "2007 جىلى ناۋرىزدا ونى كەسٸپقوي بوكس حالىقارالىق اسسوتسياتسيياسىنىڭ كوميتەتتەرٸنٸڭ بٸرٸنٸڭ باسشىسى ەتٸپ سايلادى (AIBA). سول جاقتا ول AIBA اتقارۋشى ديرەكتورى قىزمەتٸندە بولعان راحيموۆپەن كەزدەسەدٸ. 2009 جىلى ولاردىڭ تۋعان كٷندٸ بٸرگە اتاپ ٶتكەنٸ بەلگٸلٸ, راحيموۆ بۇل كەشكە شىمكەنتتٸك نومەرٸ بار "روللس-رويسپەن" كەلگەن. ٷش جىلدان كەيٸن راحيموۆتى اقش بيلٸگٸ "براتسكيي" كرۋگ" حالىقارالىق ۇيىمداسقان قىلمىستىق توپتىڭ جەتەكشٸلەرٸنٸڭ بٸرٸ جەنە اۋعانستاننان گەرويندٸ قازاقستانعا, رەسەيدە جەنە باتىس ەۋروپا ەلدەرٸنە جەتكٸزۋدٸ باقىلاپ وتىرعانداردىڭ بٸرٸ دەپ اتادى", - دەلٸنگەن ماقالادا.
باسىلىم تٸلشٸسٸنٸڭ ايتۋىنشا, سوڭعى جىلدارى تٶلەشوۆ رەسەيمەن بايلانىستى ۇيىمداردا ونداعان ۇيىمدا قىزمەت ەتتٸ. شىمكەنتتٸك كەسٸپكەر قازاقستانداعى كازاك قوعامدىق بٸرلەستٸكتەرٸ وداعىنىڭ جوعارعى اتامانىنىڭ كەڭەسشٸسٸ بولعان, ال ونىڭ مٸندەتتەرٸنە رەسەيمەن "قارىم-قاتىناستى نىعايتۋ" كٸرگەن, سونىمەن قاتار قازاقستانداعى رەسەي جۋرناليستەرٸ وداعىنىڭ اتىنان سٶيلەپ, "قازاقستانداعى ورىس قاۋىمى" قىزمەتٸنە قاتىسقان.
2012 جىلى تٶلەشوۆ ولەگ زەنورعا سۇحبات بەرٸپتٸ. وندا قازاقستاندىق كەسٸپكەر ٶزٸنٸڭ نەلٸكتەن قازاقستان ازاماتى بولا تۇرا, رەسەيلٸك پارلامەنتتە كەڭەسشٸ بولىپ قىزمەت ەتەتٸنٸن, سونىمەن قاتار ٶز وتانىندا قازاق تٸلٸنٸڭ تارالۋىنا قارسى ەكەندٸگٸن تٷسٸندٸرەدٸ. "ورىس تٸلٸن ىعىستىرۋ باستالعاندا, ٸستٸڭ ارتى قيىن بولۋى مٷمكٸن, ال مۇنى بٸز قازاقستاندا بايقاپ وتىرمىز", - دەپ كەلتٸرەدٸ پورتال كەسٸپكەردٸڭ سٶزٸن.
2013 جىلى كەسٸپكەر "ەۆرازييسكايا ينتەگراتسييا. پوستروەنيە بۋدۋششەگو" كٸتابىن شىعاردى. وندا اۆتور مەملەكەتتەردٸڭ دەربەستٸگٸنە نۇقسان كەلتٸرە وتىرىپ, "ەۋرازييالىق ينتەگراتسييا" يدەالدارى جايلى ايتادى.
ەسكە سالايىق, بەلگٸلٸ كەسٸپكەر توقتار تٶلەشوۆ 2016 جىلدىڭ 30 قاڭتارىندا شىمكەنتتە ارنايى وپەراتسييا كەزٸندە ۇستالعان بولاتىن. تٸنتۋ كەزٸندە ٷيٸنەن جەنە جۇمىس ورنىنان قارۋ-جاراق, ەسٸرتكٸ زاتى جەنە وقۋ قۇرالدارى انىقتالىپ, تەركٸلەنگەن ەدٸ. كەسٸپكەرمەن بٸرگە ٷش ادام ۇستالدى.
دەرەككٶزٸ: kaz.tengrinews.kz
