Tóleshov Reseimen qandai bailanysta bolǵan?
"Medýza" portaly Tóleshovtiń kim ekenin jáne onyń Reseimen qandai bailanysty ekenin, sonymen qatar kásipkerdiń nelikten túrmege túsip qalǵanyn anyqtady.
Naqtyraq aitqanda, basylym Tóleshovtiń Resei azamaty bolǵan ózbek kásipkeri Gafýr Rahimovpen bailanysyn atap otyr. "2007 jyly naýryzda ony Kásipqoi boks halyqaralyq assotsiatsiiasynyń komitetteriniń biriniń basshysy etip sailady (AIBA). Sol jaqta ol AIBA atqarýshy direktory qyzmetinde bolǵan Rahimovpen kezdesedi. 2009 jyly olardyń týǵan kúndi birge atap ótkeni belgili, Rahimov bul keshke shymkenttik nomeri bar "rolls-roispen" kelgen. Úsh jyldan keiin Rahimovty AQSh biligi "Bratskii" krýg" halyqaralyq uiymdasqan qylmystyq toptyń jetekshileriniń biri jáne Aýǵanstannan geroindi Qazaqstanǵa, Reseide jáne Batys Eýropa elderine jetkizýdi baqylap otyrǵandardyń biri dep atady", - delingen maqalada.
Basylym tilshisiniń aitýynsha, sońǵy jyldary Tóleshov Reseimen bailanysty uiymdarda ondaǵan uiymda qyzmet etti. Shymkenttik kásipker Qazaqstandaǵy kazak qoǵamdyq birlestikteri Odaǵynyń joǵarǵy atamanynyń keńesshisi bolǵan, al onyń mindetterine Reseimen "qarym-qatynasty nyǵaitý" kirgen, sonymen qatar Qazaqstandaǵy Resei jýrnalisteri Odaǵynyń atynan sóilep, "Qazaqstandaǵy orys qaýymy" qyzmetine qatysqan.
2012 jyly Tóleshov Oleg Zenorǵa suhbat beripti. Onda qazaqstandyq kásipker óziniń nelikten Qazaqstan azamaty bola tura, reseilik parlamentte keńesshi bolyp qyzmet etetinin, sonymen qatar óz otanynda qazaq tiliniń taralýyna qarsy ekendigin túsindiredi. "Orys tilin yǵystyrý bastalǵanda, istiń arty qiyn bolýy múmkin, al muny biz Qazaqstanda baiqap otyrmyz", - dep keltiredi portal kásipkerdiń sózin.
2013 jyly kásipker "Evraziiskaia integratsiia. Postroenie býdýshego" kitabyn shyǵardy. Onda avtor memleketterdiń derbestigine nuqsan keltire otyryp, "eýraziialyq integratsiia" idealdary jaily aitady.
Eske salaiyq, belgili kásipker Toqtar Tóleshov 2016 jyldyń 30 qańtarynda Shymkentte arnaiy operatsiia kezinde ustalǵan bolatyn. Tintý kezinde úiinen jáne jumys ornynan qarý-jaraq, esirtki zaty jáne oqý quraldary anyqtalyp, tárkilengen edi. Kásipkermen birge úsh adam ustaldy.
Derekkózi: kaz.tengrinews.kz
