بۇگىن تولەبي اۋدانى اكىمى باۋىرجان وماربەكوۆ كوكسايەك اۋىلدىق وكرۋگىنە جۇمىس ساپارمەن بارىپ، اتالعان وقۋ ورىندا ءبىلىم الىپ جاتقان ستۋدەنت-جاستاردىڭ جاعدايىمەن تانىستى.

ءبىرىنشى كەزەكتە اكىم تۇركىستان وبلىسىنداعى  كوپسالالى-تەحنيكالىق كوللەدجىنىڭ كۇردەلى جوندەۋدەن ءوتىپ جاتقان عيماراتىنىڭ قۇرىلىسىن جانە بىلىمگەرلەرگە ارنالعان ماتەريالدىق-وقىتۋ بازاسى مەن تانىستى.

60 – جىلدىق تاريحى بار كوپسالالى-تەحنيكالىق كوللەدجدە، قازىرگى تاڭدا 741 بالا ءبىلىم الۋدا. بۇگىندە ءبىلىم ورداسى ەلباسى نۇرسۇلتان نازاربايەۆتىڭ جۇمىسشى ماماندىعىن دامىتۋ باستاماسىن باسشىلاققا الىپ، جاستارعا ءتۇرلى ماماندىقتى ۇيرەتىپ جاتىر.

بۇدان كەيىن اۋدان اكىمى جىڭىشكە ەلدى مەكەنىندەگى، 125 وقۋشىسى بار كوكسايەك نەگىزىگى ورتا ءبىلىم بەرەتىن مەكتەبىنىڭ جۇمىسىمەن تانىستى.

اۋىل تۇرعىندارى تاراپىنان، كوكسايەك نەگىزگى مەكتەبىنىڭ ەسكى عيماراتىن كەلەشەكتە جىڭىشكە ەلدى مەكەنىنە جۇمىس ىستەۋگە كەلەتىن جاس ماماندارعا ۋاقىتشا تۇرۋعا بەرىلسە دەگەن ۇسىنىستار ايتىلدى.

ال كوكسايەك ەلدى مەكەنىندە باۋىرجان وماربەكوۆ 175 ءبۇلدىرشىن تاربيلەنىپ جاتقان «جاسمينا» بوبەكجايىنىڭ جۇمىسىمەن تانىسىپ، قوسىمشا سوعىلىپ جاتقان عيماراتىنىڭ قۇرىلىسىن كوردى. ساپار بارىسىندا اۋدان باسشىسى قۇرىلىس جۇرگىزىپ جاتقان مەردىگەرلەرگە قۇرىلىستى ساپالى جانە كەستەگە ساي اياقتاۋدىڭ ماڭىزى زور ەكەنىن ەسكەرتتى.

 

تولەبي اۋدانى اكىمدىگىنىڭ باسپا ءسوز قىزمەتى