وڭتۇستىك قازاقستان وبلىسىندا مال شارۋاشىلىعى باعىتىندا ءوسىم بايقالادى. ماسەلەن، ءىرى قارا مالدىڭ سانى وتكەن جىلدىڭ ءتيىستى كەزەڭىمەن سالىستىرعاندا 5،8 پايىزعا ارتىپ 950 مىڭ باستى، قوي مەن ەشكى 1 پايىزعا ارتىپ 4 ملن. 252 مىڭ باستى، جىلقى 19،5 پايىزعا كوبەيىپ 291 مىڭ باستى، تۇيە 6،9 پايىزعا، ياعني، 26 مىڭ باستى، ال قۇس سانى 2،6 ملن باستى قۇراعان.



[caption id="attachment_31476" align="alignleft" width="352"] فوتو. سامات مىرزالييەۆ.[/caption]

ستاتيستيكالىق مالىمەت بويىنشا، وبلىستىڭ بارلىق اۋىل شارۋاشىلىق ساناتتارىنداعى وندىرىلگەن ءونىم بويىنشا دا ءوسىم بايقالادى. اتاپ ايتار بولساق وسى جىلدىڭ توعىز ايىندا وڭىردە 153،4 مىڭ توننا ەت (ءتىرى سالماقتا) ءوندىرىلدى، بۇل وتكەن جىلعىمەن سالىستىرعاندا 4،9 پايىزعا كوپ. ال وسى ۋاقىت ىشىندە 575،4 مىڭ توننا ءسۇت ءوندىرىلىپ، 101،9 پايىزعا، 254،6 ملن. دانا جۇمىرتقا ءوندىرىلىپ، 109،6 پايىزعا ارتىپ وتىر.

مۇنان بولەك، مال شارۋاشىلىعىن دامىتۋ ماقساتىندا جاسالىنعان مەملەكەتتىك «سىباعا» باعدارلاماسىمەن 14 516 باس ءىرى قارا، «التىن اسىق» باعدارلاماسىمەن 26 230 باس قوي، «قۇلان» باعدارلاماسى اياسىندا 2557 باس جىلقى ساتىپ الىنىپ، مال تۇقىمى اسىلداندىرىلعان.

جالپى اگرارلى ايماقتا وسى جىلدىڭ توعىز ايىندا قۇنى 376،5 ملرد تەڭگە بولاتىن اۋىل شارۋاشىلىعى ءونىمى ءوندىرىلدى.  بۇل وتكەن جىلدىڭ ءتيىستى كەزەڭىمەن سالىستىرعاندا 57 ملرد. تەڭگەگە كوپ. وندىرىلگەن ءونىمنىڭ 172 ملرد. تەڭگەسى مال شارۋاشىلىعى باعىتىندا بولسا، 203،5 ملرد. تەڭگە كولەمىندەگى ءونىم ەگىن شارۋاشىلىعى بويىنشا تۇسكەن.

وقو اكىمىنىڭ باسپا ءسوز قىزمەتى