تمد اۋماعىنداعى ەڭ ءىرى كريپتوسەرۆيستىڭ قىزمەتى توقتاتىلدى، دەپ حابارلايدى Dalanews.kz.
بلوكچەين ارقىلى كريپتوترانزاكسيالاردى باقىلاۋ بارىسىندا ينتەرنەت الاياقتىق پەن ەسىرتكى ساۋداسىنان تۇسكەن كىرىستى جىلىستاتۋعا كاسىبي قىزمەت كورسەتكەن RAKS exchange اتتى كريپتوايىرباستاۋ سەرۆيسى انىقتالعان. بۇل سەرۆيس قىلمىستىق ورتادا جوعارى بەدەلگە يە بولعان جانە 5 ملن استام قولدانۋشىسى بار 20 ءىرى Darknet نارىعىمەن جۇمىس ىستەگەن.
"سوڭعى ءۇش جىل ىشىندە بۇل كريپتوسەرۆيس ارقىلى تمد ەلدەرىندەگى، سونىڭ ىشىندە قازاقستان، رەسەي، ۋكراينا جانە مولدوۆادا 200-دەن اسا ەسىرتكى دۇكەنىنىڭ زاڭسىز كىرىسى اقتالعان. كريپتوايىرباستاۋ پلاتفورماسىنىڭ جالپى اينالىمى 224 ملن اقش دوللارىنان اسقان. تەرگەۋ بارىسىندا 4 000-نان اسا كريپتوۆاليۋتا ءاميانى زەرتتەلىپ، قىلمىستىق كىرىس ساقتالعان ءامياندار انىقتالدى"، - دەپ جازىلعان حابارلامادا.
ناتيجەسىندە سەرۆيسكە تيەسىلى 67 كريپتواميان بۇعاتتالعان. جالپى سوماسى 9،7 ملن USDT (5،2 ملرد تەڭگە) بولاتىن سيفرلىق اكتيۆتەر ۋاقىتشا توقتاتىلعان. بۇگىنگى كۇنى سەرۆيس تولىقتاي ءوز قىزمەتىن توقتاتقان.
