وسى اپتادا ول جالعىز اكتسيونەر رەتٸندە «Joint Resources» اكتسيونەرلٸك قوعامىن قازاقستان قور بيرجاسىنان الىپ تاستاۋعا شەشٸم شىعاردى. حولدينگتٸڭ دەليستينگٸ ونى جارييا الاڭنان شىعارادى. بۇعان دەيٸن Joint Resources-تٸڭ بيرجادا بولۋى كومپانييانى تۇراقتى تٷردە قارجىلىق ەسەپتٸلٸك جارييالاۋعا, اكتيۆتەر قۇرىلىمىن اشۋعا, بايلانىستى تاراپتارمەن وپەراتسييالاردى كٶرسەتۋگە جەنە ٸشكٸ قارجىلىق اعىنداردى اشىق كٶرسەتۋگە مەجبٷرلەپ كەلگەن ەدٸ.
«تيمۋر قۇلىباەۆتىڭ سوڭعى تٶرت جىلدا شيكٸزاتتىق اكتيۆتەرٸن قىسقارتا باستاعانىن كٶرٸپ وتىرمىز. ول «شۇباركٶل كٶمٸر» كومپانيياسىن ساتىپ, كٶمٸر نارىعىنان كەتتٸ. مۇناي اكتيۆٸ بولىپ سانالاتىن «كاسپيي نەفت» كومپانيياسىن ساتادى دەگەن قاۋەسەتتەر جٷر. لوگيكاعا ساي, بۇل كومپانييا بيىل قوجايىنىن اۋىستىراتىنىن سەزٸپ وتىرمىن. قازٸر «Joint Resources» حولدينگٸ قاعاز جٷزٸندە پايدا كٶرسەتٸپ, قارجىلىق ەسەپتٸلٸگٸن جاقسارتىپ الدى. وسى ماجورلى نوتادا بيرجادان كەتٸپ قالۋ سەتتٸ قادام بولىپ سانالادى», - دەيدٸ DALA INSIDE دەرەككٶزٸ.
وسى ايدا «Joint Resources» اكتسيونەرلٸك قوعامى ٶزٸنٸڭ 2025 جىلعا ارنالعان قارجىلىق ەسەپتٸلٸگٸن جارييالادى. حولدينگ اكتيۆتەردٸڭ قايتا ەسەپتەلۋٸنٸڭ ارقاسىندا 12,75 ميلليارد تەڭگە تازا پايداعا شىعىپ وتىر. 2024 جىلى كومپانييا 86 ملرد تەڭگە شىعىن كٶرسەتكەن ەدٸ. قازٸر حولدينگ اكتيۆتەرٸ 428,6 ملرد تەڭگەگە دەيٸن ٶسٸپ, مٸندەتتەمەلەرٸ 104 ملرد تەڭگەگە جەتتٸ.
سوندا 2025 جىلى Joint Resources قارجىلىق اكتيۆتەردٸ قايتا باعالاۋدان 39,47 ملرد تەڭگە كٸرٸس تانىپ وتىر. تەك قايتا باعالاۋدىڭ ٶزٸ كومپانييا نەتيجەسٸن شامامەن 71,8 ملرد تەڭگەگە جاقسارتتى. Joint Resources-تٸڭ تابىسى ناقتى ٶندٸرٸستٸك نەمەسە وپەراتسييالىق اقشا اعىنىنا ەمەس, اكتيۆتەردٸڭ قاعاز جٷزٸندەگٸ باعاسىنىڭ ٶسۋٸنە قاتتى تەۋەلدٸ. كومپانييا بالانسىندا بٸرنەشە ٸرٸ قارجىلىق اكتيۆ بار. ەڭ باستىسى - «كاسپيي نەفت» اكتسيونەرلٸك قوعامى. Joint Resources تولىعىمەن بۇل اكتيۆتٸڭ 100 پايىز ٷلەسٸن باقىلايدى. ونىڭ 2025 جىلعى باعاسى 133,78 ملرد تەڭگە دەپ كٶرسەتٸلگەن. بٸر جىل بۇرىن «كاسپيي نەفت» 89,37 ملرد تەڭگەگە باعالانعان ەدٸ. ياعني بٸر جىلدا ونىڭ باعاسى 44,4 ملرد تەڭگەگە ٶسكەن.
دەل قازٸر قۇلىباەۆ «كاسپيي نەفت» كومپانيياسىن كەمٸندە 120 ميلليارد تەڭگەگە ساتا الادى. ەگەر ساتىپ الۋشى تابىلىپ, مۇناي كەسٸپورنى ساتىلسا, وندا بٶلەك حولدينگ ۇستاپ وتىرۋدىڭ قاجەتٸ قىسقارماق. سەبەبٸ حولدينگ قۇرامىنداعى باسقا كومپانييالاردىڭ ورتاق قۇنى ەلدەقايدا تٶمەن. حولدينگ پورتفەلٸندەگٸ «كريستالل مەنەدجمەنت» اق, «Premier Development Company» جشس, «اقساي» جشس سىندى قالعان كومپانييا ٷلەستەرٸنٸڭ جالپى نارىقتىق قۇنى 50 ميلليارد تەڭگەدەن اسپايدى.
سوندىقتان Joint Resources دەليستينگٸ ٷلكەن دايىندىقتىڭ بٸر بٶلٸگٸ ەكەنٸ انىق. حولدينگ جارييا كەڭٸستٸكتەن شىعىپ كەتكەننەن كەيٸن, ونى قايتا قۇرىلىمداۋ, جابۋ, اكتيۆتەرٸن ساتۋ وپەراتسييالارىن تيمۋر اسقارۇلى اقپاراتتىق جارييا فونسىز, تىنىش ٶتكٸزە الادى.
جاڭا قازاقستاننىڭ بيزنەس كارتيناسىندا ٷلكەن ٶزگەرٸستەر جٷرٸپ جاتىر. وسىنىڭ بارلىعىن DALA INSIDE باقىلاپ وتىرماق.
