باسقوسۋ بارىسىندا ۇكىمەتتىك ەمەس ۇيىمداردىڭ ەگجەي-تەگجەيلى ەسەپتىك باياندامالارىنان بولەك، ءايب جۇزەگە اسىرىلىپ باستاعان 2010 جىلدان بەرگى قىزمەت ناتيجەلەرى ءسوز بولدى. شاراعا اتىراۋ وبلىسى مەن جىلىوي اۋدانى اكىمدىكتەرىنىڭ وكىلدەرى، تشو سەرىكتەستەرى، ۇكىمەتتىك ەمەس ۇيىمدار مەن ب ا ق وكىلدەرى جانە كومپانيا قىزمەتكەرلەرى قاتىستى.
2010-2017 جىلدارى تشو ۇكىمەتتىك ەمەس ۇيىمدارمەن بىرلەسىپ ءبىلىم بەرۋ، دەنساۋلىق ساقتاۋ، جەرگىلىكتى كاسىپكەرلىكتى قولداۋ جانە ەكولوگيالىق ساۋاتتىلىق سالالارىندا جالپى قۇنى 6 ملن. اقش دوللارى قۇرايتىن 57 جوبانى جۇزەگە اسىرعان.
– بيىل شيرەك عاسىرلىق مەرەيتويىن اتاپ وتەتىن «تەڭىزشيەۆرويل» كومپانياسى ءۇشىن كورپوراتيۆتىك جاۋاپكەرشىلىك ءوز قىزمەتىن جۇزەگە اسىرۋداعى باستى قاعيدا بولىپ سانالادى، – دەپ اتاپ ءوتتى تشو-نىڭ باس ديرەكتوردىڭ ورىنباسارى مۇرات مۇقاشيەۆ. – ءوزىنىڭ قۇرىلعان
كۇنىنەن باستاپ تشو ءوز قىزمەتكەرلەرى مەن جەرگىلىكتى تۇرعىنداردىڭ يگىلىگى ءۇشىن اتىراۋ وبلىسىنىڭ ءارتۇرلى الەۋمەتتىك جوبالارىنا 1،4 ميلليارد اقش دوللارىنان استام قارجى جۇمسادى. اتىراۋ وبلىسى مەن جىلىوي اۋدانى اكىمدىكتەرى جانە ۇكىمەتتىك ەمەس ۇيىمدار مەن جەرگىلىكتى حالىقپەن جەمىستى ىنتىماقتاستىق ارقاسىندا وسى كورسەتكىشتىڭ ءالى دە وسەتىنىنە سەنىمدىمىز، – دەدى مۇرات مۇقاشيەۆ.
كاسىپورىننىڭ ءتۇرلى بولىمدەرىنىڭ بىلىكتى ماماندارىنان قۇرىلعان ارنايى كەڭەس تاراپىنان جىل سايىن ۇكىمەتتىك ەمەس ۇيىمداردىڭ وزەكتى جوبالارى ىرىكتەلىنەدى. جوبالارعا گرانت تاعايىنداۋ جايلى شەشىم ۇسىنىستاردىڭ تشو-نىڭ الەۋمەتتىك ينۆەستيسيالار بويىنشا قاعيدالارى مەن كريتەرييلەرىنە سايكەستىكتى مۇقيات تەكسەرگەننەن كەيىن داۋىس بەرۋ ارقىلى
قابىلدانىپ كەلەدى.
– 2017 جىلى ءبىز جالپى سوماسى شامامەن 1 ملن اقش دوللارىن قۇراعان 7 جوباعا قولداۋ كورسەتتىك. اتاپ وتەرلىگى، باعدارلامانىڭ نەگىزگى ماقساتىمەن بىرگە تشو جەرگىلىكتى ۇەۇ-لاردى قۇرۋعا جانە جەتىلدىرۋگە ىقپال ەتىپ وتىر. ءايب باستالعالى بەرى حالىقارالىق ۇەۇ-لار تشو-نىڭ سەرىكتەسى بولىپ، جەرگىلىكتى ۇەۇ-عا ءوز تاجىريبەسىن قالدىرا وتىرىپ، ولار كەيىنگى جىلدارى
گرانتقا يە بولۋعا جەتىلدىرگەن مىسالداردى اتاپ وتۋگە بولادى، – دەپ اتاپ ءوتتى ءوز سوزىندە ۇكىمەت جانە جۇرتشىلىقپەن بايلانىس ءبولىمىنىڭ باس مەنەدجەرى رزابەك ارتىعالييەۆ.
جالپى جينالىس بارىسىندا ءبىرقاتار ۇكىمەتتىك ەمەس ۇيىمدار مەن تشو قىزمەتكەرلەرى جانە ولاردىڭ وتباسى مۇشەلەرىنەن قۇرالعان ۆولونتەرلەرگە ارنايى ديپلومدار مەن ەستەلىك سىيلىقتار بەرىلدى.
جينالىس باستالۋىنان بۇرىن قاتىسۋشىلار، سونىمەن قاتار 2017 جىلى تشو گرانتىنا يە بولعان ۇكىمەتتىك ەمەس ۇيىمدار – «قازاقستاننىڭ تاۋەلسىز ۇرپاعى» اتتى جاستاردىڭ قوعامدىق بىرلەستىگى، قازاقستاننىڭ وتباسىلىق دارىگەرلەر قاۋىمداستىعى، «PYXERA Global» – «ىنتىماك اتىراۋ»، ورتا ازيانىڭ ەۋرازيا قورى، بريتاندىق كەڭەس، «جاڭا اقپاراتتىق سەرپىن» جانە «مۇگەدەك الەمى» قوعامدىق بىرلەستىگىنىڭ شاعىن كورمەسىنە قاتىستى.
«تەڭىزشيەۆرويل» ج ش س شيكى مۇنايدى، سۇيىق جانە قۇرعاق گازدى، سونىمەن بىرگە كۇكىرتتى ءوندىرۋ جانە وتكىزۋمەن اينالىسادى. قاۋىپسىزدىك تەحنيكاسى مەن قورشاعان ورتانى قورعاۋ جونىندەگى بارلىق جۇمىستار حالىقارالىق تالاپتارعا ساي جۇرگىزىلۋدە. «تەڭىزشيەۆرويل» جشس-ى 1993 جىلى قازاقستان رەسپۋبليكاسى مەن «شيەۆرون» كومپانياسى اراسىنداعى كەلىسىم نەگىزىندە
قۇرىلدى. «تەڭىزشيەۆرويل» جشس-نىڭ قازىرگى كەزدەگى سەرىكتەستەرى: «شيەۆرون» كورپوراسياسى – 50%، «قازمۇنايگاز» ۇك» اق – 20%، «ەكسونموبيل قازاقستان ۆەنچۋرس ينك.» – 25% جانە «لۋكاركو» – 5%.
https://dalanews.kz/31676
