Basqosý barysynda úkimettik emes uıymdardyń egjeı-tegjeıli eseptik baıandamalarynan bólek, ÁIB júzege asyrylyp bastaǵan 2010 jyldan bergi qyzmet nátıjeleri sóz boldy. Sharaǵa Atyraý oblysy men Jylyoı aýdany ákimdikteriniń ókilderi, TSHO seriktesteri, úkimettik emes uıymdar men BAQ ókilderi jáne kompanıa qyzmetkerleri qatysty.
2010-2017 jyldary TSHO úkimettik emes uıymdarmen birlesip bilim berý, densaýlyq saqtaý, jergilikti kásipkerlikti qoldaý jáne ekologıalyq saýattylyq salalarynda jalpy quny 6 mln. AQSH dollary quraıtyn 57 jobany júzege asyrǵan.
– Bıyl shırek ǵasyrlyq mereıtoıyn atap ótetin «Teńizshevroıl» kompanıasy úshin korporatıvtik jaýapkershilik óz qyzmetin júzege asyrýdaǵy basty qaǵıda bolyp sanalady, – dep atap ótti TSHO-nyń bas dırektordyń orynbasary Murat Muqashev. – Óziniń qurylǵan
kúninen bastap TSHO óz qyzmetkerleri men jergilikti turǵyndardyń ıgiligi úshin Atyraý oblysynyń ártúrli áleýmettik jobalaryna 1,4 mıllıard AQSH dollarynan astam qarjy jumsady. Atyraý oblysy men Jylyoı aýdany ákimdikteri jáne úkimettik emes uıymdar men jergilikti halyqpen jemisti yntymaqtastyq arqasynda osy kórsetkishtiń áli de ósetinine senimdimiz, – dedi Murat Muqashev.
Kásiporynnyń túrli bólimderiniń bilikti mamandarynan qurylǵan arnaıy keńes tarapynan jyl saıyn úkimettik emes uıymdardyń ózekti jobalary iriktelinedi. Jobalarǵa grant taǵaıyndaý jaıly sheshim usynystardyń TSHO-nyń áleýmettik ınvestısıalar boıynsha qaǵıdalary men krıterıılerine sáıkestikti muqıat teksergennen keıin daýys berý arqyly
qabyldanyp keledi.
– 2017 jyly biz jalpy somasy shamamen 1 mln AQSH dollaryn quraǵan 7 jobaǵa qoldaý kórsettik. Atap óterligi, baǵdarlamanyń negizgi maqsatymen birge TSHO jergilikti ÚEU-lardy qurýǵa jáne jetildirýge yqpal etip otyr. ÁIB bastalǵaly beri halyqaralyq ÚEU-lar TSHO-nyń seriktesi bolyp, jergilikti ÚEU-ǵa óz tájirıbesin qaldyra otyryp, olar keıingi jyldary
grantqa ıe bolýǵa jetildirgen mysaldardy atap ótýge bolady, – dep atap ótti óz sózinde úkimet jáne jurtshylyqpen baılanys bóliminiń bas menejeri Rzabek Artyǵalıev.
Jalpy jınalys barysynda birqatar úkimettik emes uıymdar men TSHO qyzmetkerleri jáne olardyń otbasy múshelerinen quralǵan volonterlerge arnaıy dıplomdar men estelik syılyqtar berildi.
Jınalys bastalýynan buryn qatysýshylar, sonymen qatar 2017 jyly TSHO grantyna ıe bolǵan úkimettik emes uıymdar – «Qazaqstannyń táýelsiz urpaǵy» atty jastardyń qoǵamdyq birlestigi, Qazaqstannyń otbasylyq dárigerler qaýymdastyǵy, «PYXERA Global» – «Yntymak Atyraý», Orta Azıanyń Eýrazıa Qory, Brıtandyq Keńes, «Jańa Aqparattyq Serpin» jáne «Múgedek álemi» qoǵamdyq birlestiginiń shaǵyn kórmesine qatysty.
«Teńizshevroıl» JSHS shıki munaıdy, suıyq jáne qurǵaq gazdy, sonymen birge kúkirtti óndirý jáne ótkizýmen aınalysady. Qaýipsizdik tehnıkasy men qorshaǵan ortany qorǵaý jónindegi barlyq jumystar halyqaralyq talaptarǵa saı júrgizilýde. «Teńizshevroıl» JSHS-y 1993 jyly Qazaqstan Respýblıkasy men «Shevron» kompanıasy arasyndaǵy kelisim negizinde
quryldy. «Teńizshevroıl» JSHS-nyń qazirgi kezdegi seriktesteri: «Shevron» korporasıasy – 50%, «QazMunaıGaz» UK» AQ – 20%, «EksonMobıl Qazaqstan Venchýrs Ink.» – 25% jáne «LýkArko» – 5%.
https://dalanews.kz/31676
