"رۋبلمەن تابىس تاباتىن رەسەيلٸك, سول سەكٸلدٸ كەيبٸر وتاندىق كومپانييالار الدىمەن جاپپاي تەڭگە ساتىپ الادى, سودان سوڭ دوللاردى ساتىپ الۋعا كٶشۋدە. مەنٸڭشە, قازاقستانداعى قور بيرجاسىنداعى ساۋدا-ساتتىقتىڭ جوعارى كٶلەمٸ وسىمەن بايلانىستى". وسىلاي دەگەن ەكونوميست راسۋل رىسمامبەتوۆ ۇلتتىق بانك پەن ٷكٸمەت الدىندا شەشۋٸ تيٸس كٷرمەۋٸ قيىن ٷلكەن مەسەلە تۇرعانىن ايتادى, دەپ حابارلايدى Dalanews.kz.
"قازٸر ولار كەز-كەلگەن باعادا دوللار ساتىپ الا بەرەدٸ, ٶيتكەنٸ بۇل دوللاردى رەسەيلٸك تاۋارلارعا ايىرباستاۋ ٶتە تيٸمدٸ بولىپ تۇر. وسىلايشا ولار قازاقستاندى ٸرٸ اقشا ايىرباس ورنىنا اينالدىرۋدا", دەپ جازادى راسۋل رىسمامبەتوۆ ArtFinanz Telegram ارناسىندا.
ول قاراشا ايىنىڭ سوڭىندا رەسەي فەدەراتسيياسىنا شەتەل ۆاليۋتاسى تٷرٸندەگٸ تٷسٸمنٸڭ باستى كٶزٸنٸڭ بٸرٸ بولىپ كەلگەن "گازپرومبانككە" قارسى سانكتسييالار ەنگٸزٸلگەننەن كەيٸن جاعداي كٷردەلەنە تٷسكەنٸن ەسكە سالادى.
"موسبيرجادا دوللارمەن ساۋدا-ساتتىق جاساۋعا تىيىم سالىندى. سوندىقتان رۋبلگە شاققاندا دوللار قۇنى ٶزگەرە بەرەدٸ, 100 رۋبل دەيسٸز بە, 1000 رۋبل دەيسٸز بە, بەرٸبٸر. ٶيتكەنٸ ولاردا دوللار جوق. رەسەيدٸڭ ٸسكەرلٸك قاۋىمى شەتەل ۆاليۋتاسى تاپشىلىعى قىلاڭ بەرگەنٸن جاقسى تٷسٸنٸپ وتىر", - دەيدٸ ەكونوميست.
سوندىقتان, ەڭ بٸرٸنشٸ كەزەكتە, رەسەي تاراپىنان دوللارعا دەگەن سۇرانىس قاتتى بولىپ تۇر.
"ەاەو-نى ەسەپكە الماعاننىڭ ٶزٸندە رەسەيمەن بٸز بەلسەندٸ تٷردە ساۋدا-ساتتىق جٷرگٸزەمٸز. سوندىقتان رەسەيلٸك تاۋارلاردى ساتىپ الۋ ارناسىن جابۋ – اقىلعا قونىمسىز. ەندەشە رەسەيلٸك نارىقتاعى دٷربەلەڭ اقشا باعامى مەن ينفلياتسييا ارقىلى بٸزگە كەلٸپ جەتە بەرەدٸ. تەڭگە باعامى رۋبلگە بايلانباعان, تەك قازاقستان مەن رەسەي ەكونوميكاسى – كٶرشٸلەس, ارالاس-قورالاس دەگەندەي. سوندىقتان ولاردا بولىپ جاتقان وقيعالاردىڭ ىقپالىنان بٸز جالتارا المايمىز. سول سەبەپتٸ ەندٸ ۇلتتىق بانك پەن ٷكٸمەت شەتەلدٸكتەردٸڭ بانكتەر ارقىلى شاڭسورعىش قۇساپ "قازاقستاننان ۆاليۋتانى" سورا بەرمەس ٷشٸن ەرەكشە شارالار قابىلداۋعا مەجبٷر بولادى, – دەيدٸ ساراپشى.
وسى جاعىنان العاندا,ماماننىڭ ايتۋىنشا, ترامپ بيلٸكتٸڭ باسىنا كەلٸپ, ۋكرايناداعى سوعىس مەسەلەسٸن شەشكەنگە دەيٸن قىرۋار رەسۋرس شىعىندالايىن دەپ تۇرعان سەكٸلدٸ.
ايتا كەتسەك, بٷگٸنگٸ تاڭدا قازاقستاندا 23 مىڭ رەسەيلٸك كومپانييا جۇمىس ٸستەيدٸ, ونىڭ 4 مىڭى سوڭعى جىلدارى اشىلعان. كٶرشٸ ەلدٸڭ ٸسكەرلٸك ورتاسىنىڭ جىلى ورنىن سۋىتىپ, ٷدەرە كٶشۋٸنە سانكتسييا تٷرتكٸ ەكەنٸ انىق.
