قاراشا ايىنىڭ قورىتىندىسى بويىنشا تەڭگە باعامى 5%-عا ەلسٸرەپ, 1 اقش دوللارى 512,52 تەڭگەگە دەيٸن باردى. قازاقستان قور بيرجاسىنداعى ساۋدا-ساتتىقتىڭ ورتاشا كٷندٸك كٶلەمٸ بٸر ايدا 278 ملن-نان 262 ملن اقش دوللارىنا دەيٸن تٶمەندەدٸ. ساۋدا-ساتتىقتىڭ جالپى كٶلەمٸ 5,5 ملرد اقش دوللارىن قۇرادى, دەپ حابارلايدى Dalanews.kz.
بۇل تۋرالى بٷگٸن, 2 جەلتوقساندا ۇلتتىق بانك جارييالاعان قاراشا ايىنىڭ قورىتىندىسىندا ايتىلادى.
ورتاىق بانكتٸڭ مەلٸمەتٸنشە, رەسپۋبليكالىق بيۋدجەتكە ترانسفەرتتەردٸ قامتاماسىز ەتۋ ٷشٸن قاراشا ايىندا ۇلتتىق قوردان 1 260 ملن اقش دوللارىنا ۆاليۋتا ساتىلدى. ۇلتتىق قوردان ساتۋ ٷلەسٸ جالپى ساۋدا-ساتتىق كٶلەمٸنٸڭ 23%-ىن جەنە كٷنٸنە 60 ملن اقش دوللارىنان اسپايتىن مٶلشەردٸ قۇرادى. ۇلتتىق بانك ۇلتتىق قوردىڭ قاراجاتىمەن وپەراتسييالار جٷرگٸزۋ كەزٸندە نارىقتىڭ بەيتاراپ قاعيداتىن ساقتايدى. بۇل شەتەل ۆاليۋتاسىن ۇدايى جەنە بٸركەلكٸ ساتۋدى بٸلدٸرەدٸ.
"ٷكٸمەتتٸڭ الدىن الا بولجامدى ٶتٸنٸمدەرٸ بويىنشا رەسپۋبليكالىق بيۋدجەتكە ترانسفەرت بٶلۋگە 2024 جىلعى جەلتوقساندا ۇلتتىق بانك ۇلتتىق قوردان 800 ملن-نان 900 ملن اقش دوللارىنا دەيٸنگٸ مٶلشەردە ۆاليۋتا ساتىلادى دەپ كٷتەدٸ", دەلٸنگەن حابارلامادا.
بجزق ۆاليۋتالىق اكتيۆتەرٸنٸڭ ٷلەسٸ وسىعان دەيٸنگٸ جوسپارعا سەيكەس شامامەن 40% ەكەنٸن ەسكەرە وتىرىپ, ۇلتتىق بانك قاراشادا زەينەتاقى اكتيۆتەرٸنٸڭ ينۆەستيتسييالىق پورتفەلٸنە اقش دوللارىن ساتىپ العان جوق. جەلتوقساندا دا ۆاليۋتا ساتىپ الۋ جوسپارلانبايدى.
ۆاليۋتا نارىعىندا تەپە-تەڭدٸكتٸ ارتتىرۋ ٷشٸن 2024 جىلعى 19 قاراشادا قازاقستان رەسپۋبليكاسى ٷكٸمەتٸنٸڭ قاۋلىسىنا سەيكەس كۆازيمەملەكەتتٸك سەكتور سۋبەكتٸلەرٸندەگٸ ۆاليۋتالىق تٷسٸمنٸڭ 50%-ىن مٸندەتتٸ تٷردە ساتۋى تۋرالى نورما قايتا كٷشٸنە ەندٸ. كۆازيمەملەكەتتٸك سەكتور كومپانييالارى ۆاليۋتا نارىعىندا ەكٸنشٸ دەڭگەيلٸ بانكتەر ارقىلى دەربەس ساتادى.
ۇلتتىق بانك شٸلدەدە ٷكٸمەتتٸڭ ۇلتتىق قورعا "قازاتومٶنەركەسٸپ" اق-نىڭ اكتسييالارىن ساتىپ الۋ تۋرالى شەشٸمٸن ٸسكە اسىرۋ اياسىندا ۇلتتىق قورداعى ۆاليۋتالىق اكتيۆتەردٸڭ بٸر بٶلٸگٸن ساتۋ ارقىلى ۇلتتىق بانكتٸڭ التىن-ۆاليۋتا رەزەرۆتەرٸنە كونۆەرتاتسييالادى. نارىقتىق بەيتاراپتىقتى ساقتاۋ ٷشٸن جەنە وسى وپەراتسييانى ۆاليۋتا نارىعىنا شىعارۋ ٷشٸن ۇلتتىق بانك شٸلدەنٸڭ ورتاسىنان باستاپ ساتىپ الىنعان كٶلەمدٸ بٸركەلكٸ ساتۋعا كٸرٸستٸ.
قاراشادا اتالعان وپەراتسييا اياسىندا ۇلتتىق بانكتٸڭ التىن-ۆاليۋتا رەزەرۆتەرٸنەن ساتۋ كٶلەمٸ 133,8 ملن اقش دوللارىن قۇرادى. وسىلايشا, قاراشادا "قازاتومٶنەركەسٸپ" اق-نىڭ اكتسييالارىن ساتىپ الۋ بويىنشا مەمٸلەنٸ شىعارۋ اياسىندا ۆاليۋتا ساتۋ اياقتالدى.
ٸشكٸ ۆاليۋتا نارىعىندا ەكونوميكالىق اگەنتتەر تاراپىنان شەتەل ۆاليۋتاسىنا سۇرانىس ارتقانى, سونىڭ ٸشٸندە ايىرباس باعامىنىڭ پسيحولوگييالىق دەڭگەيٸن ەڭسەرۋ اياسىندا ۇسىنىستىڭ دا شەكتەلگەنٸ بايقالدى.
"بٸرقاتار ٸرگەلٸ فاكتورلار ناشارلاعاندىقتان, تۇراقسىزداندىراتىن اۋىتقۋلاردى بولدىرماۋ ٷشٸن, تەڭگەنٸڭ ايىرباستاۋ باعامىنىڭ شامادان تىس قۇبىلمالىلىعىن رەتتەپ, شەتەل ۆاليۋتاسىنىڭ ۇسىنىسىن قامتاماسىز ەتۋ ٷشٸن 15–28 قاراشا ارالىعىندا ۇلتتىق بانك ۆاليۋتالىق ينتەرۆەنتسييا جٷرگٸزدٸ. ايدىڭ قورىتىندىسى بويىنشا ۆاليۋتا ساتۋ كٶلەمٸ 1 047 ملن اقش دوللارىن قۇرادى", - دەيدٸ ۇلتتىق بانك.
ۇلتتىق بانك ترانسپارەنتتٸلٸك قاعيداتى اياسىندا ۆاليۋتا نارىعىندا جٷرگٸزٸلەتٸن بارلىق وپەراتسييا تۋرالى اقپاراتتى تولىق اشىپ كٶرسەتۋدٸ جالعاستىرادى. قىسقامەرزٸمدٸ پەرسپەكتيۆادا تەڭگەنٸڭ ديناميكاسى نارىققا قاتىسۋشىلاردىڭ كٷتۋلەرٸنە, توقساندىق سالىق تٶلەمدەرٸنە, ەلەمدٸك نارىقتارداعى احۋالعا جەنە گەوساياسي جاعدايدىڭ ٶزگەرۋٸنە بايلانىستى بولادى. ۇلتتىق بانك تەڭگەرٸمسٸزدٸكتٸڭ جيناقتالۋىن بولدىرمايتىن جەنە التىن-ۆاليۋتا رەزەرۆتەرٸنٸڭ ساقتالۋىن قامتاماسىز ەتەتٸن يكەمدٸ باعام بەلگٸلەۋ رەجيمٸن ۇستانا بەرەدٸ.
