قازاقستاندا جىل سوڭىنا قاراي ينفلياتسييا كٷتكەننەن دە قاتتى باياۋلاپ, تەڭگە باعامى بٸر دوللار ٷشٸن 400 تەڭگەدەن دە تٶمەن تٷسۋٸ مٷمكٸن. بۇل تۋرالى ITS IDEAS الاڭىندا Freedom Holding Corp. نەگٸزٸن قالاۋشى ەرٸ باس ديرەكتورى تيمۋر تۋرلوۆ ايتتى, دەپ حابارلايدى dalanews.kz.
ونىڭ ايتۋىنشا, تەڭگەنٸڭ نىعايۋى قازٸردٸڭ ٶزٸندە ينفلياتسييا جىلدام تٶمەندەۋٸنە ەسەر ەتٸپ وتىر. سونىمەن قاتار, كەيٸنگٸ 2-3 ايدا تەڭگەنٸڭ رۋبلگە قاتىستى نىعايۋى الداعى ۋاقىتتا ينفلياتسييانىڭ ودان ەرٸ تٶمەندەۋٸنە ىقپال ەتۋٸ مٷمكٸن. قازاقستاندا پايىزدىق مٶلشەرلەمەلەر جوعارى بولۋى جەرگٸلٸكتٸ قارجى قۇرالدارىن شەتەلدٸك ينۆەستورلار ٷشٸن تارتىمدى ەتٸپ وتىر. سونىڭ ارقاسىندا ەلدٸڭ مەملەكەتتٸك جەنە جەكە سەكتورلارىنا ينۆەستيتسييا كەلٸپ جاتىر.
"ٶتكەن جىلدىڭ سوڭىندا دوللار باعامى 500 تەڭگەدەن تٶمەن بولادى دەگەنٸمدە, بۇعان كٶپ ادام سەنبەدٸ. وسىلاي جالعاسا بەرسە, تەڭگە باعامى 400 تەڭگەدەن دە كٷشەيەدٸ جەنە ونى توقتاتۋ قيىن بولادى. بٸز تەڭگەنٸڭ ٷنەمٸ ەلسٸرەۋٸنە ٷيرەنٸپ قالدىق. بٸراق, سەنٸڭٸزدەر, كەرٸسٸنشە بولۋى دا مٷمكٸن", - دەدٸ ول.
Cونىمەن قاتار, ول تەڭگەنٸڭ شامادان تىس نىعايۋى مەن قارجى نارىعىنداعى قۇبىلمالىلىق ەكونوميكاعا قيىندىق تۋعىزۋى مٷمكٸن ەكەنٸن ەسكەرتتٸ.
بيزنەسمەن قازاقستاننىڭ مەملەكەتتٸك باعالى قاعازدارى شەتەلدٸك ينۆەستورلار ٷشٸن قازٸر ٶتە تارتىمدى ەكەنٸن اتاپ ٶتتٸ. ونىڭ سٶزٸنشە, تەڭگەدەگٸ جوعارى تابىس پەن ۇلتتىق ۆاليۋتانىڭ نىعايۋى ينۆەستورلارعا دوللارمەن ەسەپتەگەندە دە قوماقتى پايدا ەكەلٸپ وتىر.
مىسالى, ينۆەستور 100 مىڭ دوللارىن تەڭگەگە ايىرباستاپ, مەملەكەتتٸك باعالى قاعازدارعا سالسا, جىلىنا شامامەن 16-17 پايىز تابىس الا الادى. ۇزاق مەرزٸمدٸ باعالى قاعازدارعا ينۆەستيتسييا سالعان جاعدايدا دوللارمەن ەسەپتەگەندەگٸ تابىس بۇدان دا جوعارى بولۋى مٷمكٸن.
