Qazaqstanda jyl sońyna qarai infliatsiia kútkennen de qatty baiaýlap, teńge baǵamy bir dollar úshin 400 teńgeden de tómen túsýi múmkin. Bul týraly ITS IDEAS alańynda Freedom Holding Corp. negizin qalaýshy ári bas direktory Timýr Týrlov aitty, dep habarlaidy dalanews.kz.
Onyń aitýynsha, teńgeniń nyǵaiýy qazirdiń ózinde infliatsiia jyldam tómendeýine áser etip otyr. Sonymen qatar, keiingi 2-3 aida teńgeniń rýblge qatysty nyǵaiýy aldaǵy ýaqytta infliatsiianyń odan ári tómendeýine yqpal etýi múmkin. Qazaqstanda paiyzdyq mólsherlemeler joǵary bolýy jergilikti qarjy quraldaryn sheteldik investorlar úshin tartymdy etip otyr. Sonyń arqasynda eldiń memlekettik jáne jeke sektorlaryna investitsiia kelip jatyr.
"Ótken jyldyń sońynda dollar baǵamy 500 teńgeden tómen bolady degenimde, buǵan kóp adam senbedi. Osylai jalǵasa berse, teńge baǵamy 400 teńgeden de kúsheiedi jáne ony toqtatý qiyn bolady. Biz teńgeniń únemi álsireýine úirenip qaldyq. Biraq, senińizder, kerisinshe bolýy da múmkin", - dedi ol.
Conymen qatar, ol teńgeniń shamadan tys nyǵaiýy men qarjy naryǵyndaǵy qubylmalylyq ekonomikaǵa qiyndyq týǵyzýy múmkin ekenin eskertti.
Biznesmen Qazaqstannyń memlekettik baǵaly qaǵazdary sheteldik investorlar úshin qazir óte tartymdy ekenin atap ótti. Onyń sózinshe, teńgedegi joǵary tabys pen ulttyq valiýtanyń nyǵaiýy investorlarǵa dollarmen eseptegende de qomaqty paida ákelip otyr.
Mysaly, investor 100 myń dollaryn teńgege aiyrbastap, memlekettik baǵaly qaǵazdarǵa salsa, jylyna shamamen 16-17 paiyz tabys ala alady. Uzaq merzimdi baǵaly qaǵazdarǵa investitsiia salǵan jaǵdaida dollarmen eseptegendegi tabys budan da joǵary bolýy múmkin.
