Telegram مەسسەندجەرىنىڭ نەگىزىن قالاۋشى پاۆەل دۋروۆ Digital Bridge 2025 اياسىندا قازاقستانعا ساپارلايتىنىن سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ Instagram-پاراقشاسىندا حابارلادى، دەپ حابارلايدى Dalanews.kz.
ءىس-شارا 2 قازاندا استانادا پرەزيدەنت قاسىم-جومارت توقايەۆتىڭ قاتىسۋىمەن وتەدى.
پلەنارلىق وتىرىسقا الەمدىك تەحنولوگيا سالاسىنىڭ وزگە دە جەتەكشى ساراپشىلارى قاتىسپاق:
ومار سۇلتان ءال-ولاما – ءباا-نىڭ جاساندى ينتەللەكت، سيفرلىق ەكونوميكا جانە قاشىقتان جۇمىس ىستەۋ جونىندەگى مەملەكەتتىك ءمينيسترى؛
يليا سترەبۋلايەۆ – ستەنفورد ۋنيۆەرسيتەتىنىڭ پروفەسسورى؛
كاي-فۋ لي – Sinovation Ventures كومپانياسىنىڭ نەگىزىن قالاۋشى جانە باس ديرەكتورى؛
پيتەر نورۆيگ – ستەنفورد ۋنيۆەرسيتەتىنىڭ عىلىمي قىزمەتكەرى، Google كومپانياسىنىڭ زەرتتەۋ جونىندەگى ديرەكتورى.
پلەنارلىق سەسسيانىڭ مودەراتورى – Solana Foundation پرەزيدەنتى ليلي ليۋ.
سونداي-اق 2 قازاندا قازاقستانداعى ۇزدىك AI-جوبالاردىڭ ۇلتتىق پيچ-سەسسياسى – Generative Nation Pitch وتەدى. ونىڭ فيناليستەرى وزدەرىنىڭ ازىرلەمەلەرىن حالىقارالىق ساراپشىلارعا، ينۆەستورلارعا جانە مەملەكەتتىك ورگاندار وكىلدەرىنە تانىستىرادى.
