سالتاناتتى جيىنعا "BILIM-ÒRKENIETI" ۇلتتىق يننوۆاسيالىق عىلىمي-زەرتتەۋ ورتالىعى ديرەكتورىنىڭ ورىنباسارى نابييەۆ سايات تالعات ۇلى ارنايى كەلىپ، تالدىقورعان قالاسىنىڭ جاستارىمەن جۇزدەستى.
سونىمەن قاتار تەكەلى قالاسى اكىمىنىڭ باسپا ءسوز حاتشىسى بوتبايەۆا ۇلجان ۇلداحانقىزىن ۇزدىك ستۋدەنتتەر اكادەمياسىنىڭ الماتى وبلىسى بويىنشا سەنات ءتوراعاسى لاۋازىمىنا تاعايىنداپ، قازاقستان رەسپۋبليكاسى مەملەكەتتىك ەلتاڭباسىنىڭ اۆتورى جانداربەك مالىبەك ۇلىنىڭ ارنايى قۇتتىقتاۋ لەبىزىن جەتكىزدى.
"ۇزدىك ستۋدەنتتەر اكادەمياسى" 2018 جىلى قۇرىلعان.
ۇيىمنىڭ باستى ماقساتى - جاستارعا پاتريوتتىق تاربيە بەرۋ ارقىلى، ولاردىڭ بويىنداعى شىعارماشىلىق، كوشباسشىلىق قاسيەتتەرىن دامىتۋ بولىپ تابىلادى.
بۇگىندە اتالعان اكادەميا قۇرامىنا ەلىمىزدىڭ 1000 جۋىق ستۋدەنت جاستارى قوسىلعان. سونىمەن قاتار رەسپۋبليكامىزدىڭ ءار وڭىرىنەن سەنات ءتوراعالارى بەكىتىلگەن.
اتاپ وتسەك تەكەلى قالاسىنىڭ باسپا ءسوز حاتشىسى ۇلجان بوتبايەۆا وسىعان دەيىن بىرنەشە رەسپۋبليكالىق سايىستاردا توپ جارىپ، 2020 جىلى "قازاقستان رەسپۋبليكاسى جاستارىنىڭ التىن كىتابىنا" جانە "تمد ەلدەرىنىڭ ۇزدىك ستۋدەنتى" اتتى كىتاپ جيناققا ەنىپ، عىلىم سالاسىنداعى جەتىستىكتەرى ءۇشىن توسبەلگىلەرمەن ماراپاتتالعان.
ەل بولاشاعى - جاستار!
ءبىز وسىنداي جالىندى جاستارىمىزبەن ماقتانامىز.
