سقو اكىمدىگىنىڭ وتىرىسىندا  «تازا قازاقستان» رەسپۋبليكالىق اكسياسىنىڭ جۇزەگە اسىرىلۋى تۋرالى ماسەلە قارالدى،- دەپ حابارلايدى Dalanews.kz

اكسيا باستالعاننان بەرى وبلىستا 271 شارا ۇيىمداستىرىلىپ، 2،8 مىڭ ەكولوگيالىق اكسيا وتكىزىلدى. مەرەكەلىك شارالاردىڭ ماڭىزدى بولىگى رەتىندە حالىقپەن ءتۇسىندىرۋ جۇمىستارى جۇرگىزىلىپ، 638 كەزدەسۋ وتكىزىلىپ، وندا سانيتارلىق تالاپتار مەن ەكولوگيالىق مادەنيەتتى قالىپتاستىرۋ ماسەلەلەرى تالقىلاندى. 

سەنبىلىكتەرگە 158 مىڭنان استام ادام، 6،1 مىڭ بيزنەس سۋبەكتىسى جانە 63 ونەركاسىپتىك كاسىپورىن قاتىستى. جۇرگىزىلگەن جۇمىستار ناتيجەسىندە 578 تاريحي-مادەني ەسكەرتكىشتەر، 200-دەن استام ساياباق پەن سكۆەر، 23 سۋبۇرقاق تازارتىلدى. قوقىس جيناۋعا 2،4 مىڭ بىرلىك تەحنيكا تارتىلدى. 53 مىڭ اۋلا اۋماعى تازارتىلدى، 167 مىڭ توننا قوقىس  پوليگوندارعا شىعارىلدى. سونداي-اق، 34 مىڭنان استام اعاش پەن 3،2 مىڭ بۇتا وتىرعىزىلدى.

مەملەكەت باسشىسى «تازا قازاقستان» اكسياسى ءبىر رەتتىك شارا ەمەس، ەكولوگيالىق مادەنيەتتى قوعامدا ەنگىزۋدىڭ ۇلتتىق مىندەتى ەكەندىگىن اتاپ ءوتتى. وبلىس اكىمى بيزنەس-قوعامداستىعىن، دەپۋتاتتاردى، قوعامدىق پىكىر كوشباسشىلارىن، ۇكىمەتتىك ەمەس ۇيىمداردى جانە وبلىس تۇرعىندارىن ەكولوگيالىق ۇستانىمدى قالىپتاستىرۋعا، قورشاعان ورتانى ساقتاۋعا جانە «تازا قازاقستان» اكسيالارىنا بەلسەنە قاتىسۋعا شاقىردى.

كەڭەس قورىتىندىسى بويىنشا ءوڭىر باسشىسى مەملەكەتتىك ورگاندارعا ەكولوگيالىق مادەنيەتتى دامىتۋ جونىندەگى كونسەپسيانى جۇزەگە اسىرۋعا ارنالعان وڭىرلىك جوسپاردىڭ ورىندالۋىن قامتاماسىز ەتۋ، اعاش وتىرعىزۋ جانە اۋماقتاردى تازارتۋ جۇمىستارىن جانداندىرۋ بويىنشا تاپسىرمالار بەردى. سونداي-اق، تۇرعىندار اراسىندا ەكولوگيالىق ساۋاتتىلىقتى ارتتىرۋ ءۇشىن ءتۇسىندىرۋ جۇمىستارىن كۇشەيتۋ قاجەتتىلىگى اتاپ ءوتىلدى.