تٷركٸستان ٶڭٸرٸندە «تازا قازاقستان» باعدارلاماسى وبلىس كٶلەمٸندە تۇراقتى جٷرگٸزٸلۋدە. بەكٸتٸلگەن كەستە بويىنشا اۋدان, قالالاردا جالپى 450 اۋقىمدى سەنبٸلٸك ٶتكٸزٸلدٸ. بۇل تۋرالى بٷگٸن وبلىس ەكٸمٸ دارحان ساتىبالدىنىڭ تٶراعالىعىمەن ٶتكەن اپپارات مەجٸلٸسٸندە كەڭٸنەن تالقىلاندى. ٶڭٸر باسشىسى بۇل باعىتتاعى جۇمىستاردى ودان ەرٸ جانداردىرۋدى, جٷيەلەۋدٸ جەنە جٸتٸ قاداعالاۋدى تاپسىردى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– ەربٸر مەملەكەتتٸك جەنە بيۋدجەتتٸك مەكەمەلەر ٶز اۋلاسىن, عيماراتىن تازا ۇستاسىن. بٸلٸم, دەنساۋلىق, مەدەنيەت, سپورت جەنە ٶزگە دە ەۋەۋمەتتٸك نىساندارداعى تازالىق قاداعالانىپ جاتىر. تازالىق جۇمىستارىنا نەمقۇرايلى قاراعان باسشىلار سىننان قورىتىندى شىعارماسا, كەمشٸلٸك قايتالانسا, قىزمەتٸنەن بوساتىلادى. جۇمىس جٷيەلٸ تٷردە جالعاسسىن, – دەدٸ دارحان ساتىبالدى.
جيىن بارىسىندا اتقارىلعان جۇمىستار تۋرالى وبلىس ەكٸمٸنٸڭ بٸرٸنشٸ ورىنباسارى زۇلپىحار جولداسوۆ بايانداما جاسادى. ونىڭ ايتۋىنشا, ٶتكەن اپتانىڭ ٸشٸندە 11 اۋداننىڭ 30 ەلدٸ مەكەنٸندە سەنبٸلٸكتەر ٶتكٸزٸلگەن. وعان 6 مىڭداي تۇرعىن قاتىسىپ, تيٸستٸ تەحنيكالار جۇمىلدىرىلعان. نەتيجەسٸندە 98,7 توننا قوقىس شىعارىلدى.
سونىڭ ٸشٸندە سوزاقتاعى اۋقىمدى سەنبٸلٸككە 3 500-دەن استام ادام اتسالىسىپ, 17 تەحنيكا جۇمىلدىرىلعان. سونىمەن قاتار اۋدان مەن قالالارعا كٸرەبەرٸس اۋماقتارىن رەتتەۋ, تازالاۋ جۇمىستارى جٷرگٸزٸلگەن. سونداي-اق 21 قىركٷيەك كٷنٸ بٷكٸلەلەمدٸك تازالىق كٷنٸنە وراي وبلىستىڭ بارلىق اۋماعىندا سەنبٸلٸكتەر ٶتكٸزٸلدٸ. جالپى جىل سوڭىنا دەيٸن 807 سەنبٸلٸك ٶتكٸزۋ جوسپارلانعان.
تەلەگرامم بوت پلاتفورماسىندا بٷگٸنگٸ تاڭدا 431 ٶتٸنٸم تٷسكەن. ونىڭ ٸشٸندە 415-ٸ ورىندالعان. باعدارلامانى تۇرعىندارعا كەڭٸنەن ناسيحاتتاۋ جۇمىستارى جٷرگٸزٸلۋٸنە بايلانىستى, پلاتفورمادا ٶتٸنٸمدەردٸڭ سانى كٶبەيۋدە, ٶتكەن ايدىڭ تيٸستٸ كەزەڭٸمەن سالىستىرعاندا 96 ٶتٸنٸمگە نەمەسە 29,4 پايىزعا ٶسكەن.
بيىل قوعامدىق ورىنداردا زاڭ تالاپتارىن بۇزعان تۇلعالارعا 23 434 مىڭنان استام حاتتاما تولتىرىلىپ 249,5 ملن تەڭگەگە ايىپپۇل سالىندى. باعدارلاما باستالعالى بەرٸ ەسكەرتۋلەر مەن سالىنعان ايىپپۇلدار سانى 16 مىنان استام حاتتاماعا ارتقان نەمەسە 4 ەسەگە ۇلعايعان. سونداي-اق بٷگٸنگٸ تاڭعا, اباتتاندىرۋ قاعيداسىنا سەيكەس ٸرگەلەس جاتقان اۋماقتىڭ تازالىعى بويىنشا 11 004 جەكە تۇرعىن ٷي مەن 6 147 كەسٸپكەرلٸك وبەكتٸسٸنە مونيتورينگ جٷرگٸزٸلدٸ. ولارعا 1143 ەسكەرتۋ جەنە 620 ايىپپۇل سالىندى. قاعيدانىڭ ساپالى ورىنداۋ باعىتىنداعى جۇمىستار كٷندەلٸكتٸ جٷرگٸزٸلەدٸ.
«تازا قازاقستان» باعدارلاماسى اياسىندا بٸلٸم, دەنساۋلىق, مەدەنيەت, كەسٸپكەرلٸك نىساندارى, پوليتسييا پۋنكتتەرٸ جەنە «قازپوشتا» فيليالدارىنىڭ جاعدايىنا مونيتورينگ جٷرگٸزٸلدٸ. نەتيجەسٸندە تازالىق, اباتتاندىرۋ بويىنشا كەمشٸلٸكتەر انىقتالعان. وسى مەكەمەلەردٸڭ باسشىلارىنا تيٸستٸ ەسكەرتۋ بەرٸلٸپ, كەمشٸلٸكتەردٸ جويۋ جٶنٸندە تاپسىرما بەرٸلدٸ. مونيتورينگ جالعاسادى.
