تايلاندتا قازاقستاندىق تۋريستەر مىنگەن كاتەر جارىلدى، – دەپ حابارلايدى Dalanews.kz.

وقيعا تايلاندتىڭ وڭتۇستىگىندەگى پحۋكەت پروۆينسياسىندا بولعان. كاتەردە بارلىعى 31 ادام بولعان.

ونىڭ ىشىندە قازاقستاندىق جانە رەسەيلىك تۋريستەر بار. تايلاندتىڭ تۋريستىك پوليسياسىنىڭ مالىمەتىنشە، بورتتاعى 30 ادام سۋعا ءتۇسىپ ۇلگەرگەن.

ال كاتەردە قالىپ قويعان ءبىر رەسەيلىك ازاماتتىڭ اياعى كۇيگەن. زارداپ شەككەن ادام جەدەل ەۆاكۋاسيالانىپ، قاجەت كومەك كورسەتىلدى.

كەيىن تۋريستەر قوناق ۇيلەرىنە ورالعان.