اكسيا بارىسىندا تاكسي قىزمەتىنە جۇگىنۋشىلەردىڭ سانى 20-دان اسىپ، بارلىق جولاۋشىلار قىزىقتى ۆيكتوريناعا قۋانا قاتىستى.
ۆيكتورينالىۇ سۇراقتاردا مەملەكەتتىك ەلتاڭبانىڭ جۇرەگى، تۋداعى باقىت پەن بايلىقتىڭ بەينەسى، ق ر رامىزدەرى كۇنى قاشان تويلانادى، ۇلتتىق ۆاليۋتا قاشان ەنگىزىلدى دەگەن سۇراقتارعا كوپشىلىك م.دىرمەي جاۋاپ بەرگەن.
ءۇش سۇراققا دۇرىس جاۋاپ بەرگەن قاتىسۋشىلار كەلىسىلگەن جەرگە تەگىن جەتكىزىلدى. سونىمەن قاتار، بارلىق جولاۋشىلارعا تاۋەلسىزدىك كۇنىنە ارنالعان سىيلىقتار تاراتىلدى.
جولاۋشىلار اراسىندا ەڭبەكتەگەن بالادان، ەڭكەيگەن قارياعا دەيىن بار. ولاردىڭ بارلىعى نەگىزىنەن قويىلعان سۇراقتارعا ناقتى جاۋاپ بەردى. وسىلايشا، قالا تۇرعىندارى ءوز وتانىنىڭ تاريحىن قانشالىقتى بىلەتىندەرىن كورسەتتى.
– وتە قىزىقتى ۆيكتورينا. ۇيىمداستىرۋشىلارعا راحمەت. بارلىق سۇراقتارعا جاۋاپ بەردىم، ەڭ قىزىقتىسى قايرات رىسقۇلبەكوۆ تۋرالى بولدى، ويتكەنى مەنىڭ اكەمنىڭ اتى قايرات، ال تەگى رىسقۇلبەكوۆ وڭاي جاۋاپ بەردىم، قازاقستان تاريحىن دا جاقسى بىلەمىن، ويتكەنى ءدال وسى جەلتوقسانشىلار تاۋەلسىزدىكتىڭ باستاۋىندا تۇردى، – دەدى سانجار رىسقۇلبەكوۆ.
