بۇگىن استانا قالاسىندا Tatulyq.KZ جوباسىنىڭ بريفينگى ءوتىپ، بيىلعى ءساۋىر-قاراشا ايلارى ارالىعىندا اتقارىلعان جۇمىستارى سارالاندى. بۇل جوبا – مەديا ارقىلى تۇرمىستىق زورلىق-زومبىلىقتىڭ الدىن الىپ، بولدىرماۋعا باعىتتالعان باستاما. «سەرپىن» ۇلتتىق الەۋمەتتىك دامۋ قورىقوعامدىق قورىنىڭ باستاماسىمەن، مادەنيەت جانە اقپارات مينيسترلىگى مەن ازاماتتىق باستامالاردى قولداۋ ورتالىعىنىڭ (ابقو) قولداۋىمەن جۇزەگە اسىرىلۋدا.
Tatulyq.KZ – 2025–2027 جىلدارعا ارنالعان ءۇشجىلدىق مەديا جوبا. باستى ماقساتى – زورلىق-زومبىلىقتىڭ الدىن الۋ تاسىلدەرى تۋرالى قوعامدى قۇلاعدار ەتۋ، ءوزارا سىيلاستىق مادەنيەتىن قالىپتاستىرىپ، زورلىققا نولدىك توزىمدىلىك كوزقاراسىن ورنىقتىرۋ.
بۇگىنگى باسپا ءسوز ءماسليحاتىندا سپيكەرلەر جوبا اياسىندا بيىلعى جەتى ايدا اتقارىلعان جۇمىستارعا توقتالدى. جوبا اياسىندا Tatulyq.KZ سايتى اشىلىپ، الەۋمەتتىك جەلىلەردەگى پاراقشالار (Facebook، Instagram، TikTok، YouTube) ىسكە قوسىلدى. سونداي-اق اقپاراتتىق ناۋقاندار مەن زورلىقتى ەڭسەرۋدىڭ 14 تابىستى تاريحىن ۇلگى ەتەر مىسالدار جۇزەگە اسىرىلىپ كەلەدى. وتباسى قۇندىلىعىن ارتتىرىپ، تۇرمىستىق زورلىق-زومبىلىقتىڭ قاسىرەتىن سارالايتىن پودكاستار، ۆەبينارلار، بەينەروليكتەر، ينفوگرافيكالار جانە اناليتيكالىق ماتەريالدار دايىندالىپ، كوپشىلىككە ۇسىنىلدى. جوبا جەتەكشىلەرى يگى باستاماعا ءارقاشان قولداۋ كورسەتىپ، جۋرناليستەر، بلوگەرلەر، ساراپشىلار مەن قوعام قايراتكەرلەرى ءاردايىم اشىق ديالوگ ورناتۋعا سەپتىگىن تيگىزگەنىن دە اتاپ ءوتتى. جەتى ايدىڭ ىشىندە جوبا جالپىحالىقتىق سيپات الىپ، بءىرقاتار اۋقىمدى ىستەر اتقارىلدى. جوسپار بويىنشا 12 ميلليون ادامدى قامتىپ، حالىقتىڭ تۇرمىستىق زورلىقتىڭ الدىن الۋ تۋرالى حاباردار ەتۋ كورسەتكىشىن 80%-عا دەيىن ارتتىرۋ كوزدەلىپ وتىر.
بريفينگتە الەۋمەتتىك جوبانىڭ اياسىندا اتقارىلعان جۇمىستارعا توقتالعان ۇيلەسترۋشىسى ءادىلحان تولەگەن ۇلى تۇرمىستىق زورلىق-زومبىلىقتىڭ الدىن الۋ سالدارمەن كۇرەسۋدىڭ باستى باعىتى ەكەنىن اتاپ ءوتتى.
– «سەرپىنءنىڭ» جوباسى شەڭبەرىندە جۇزەگە اسىرىلعان جۇمىستاردىڭ ناتيجەسى قۋانتارلىق. ءبىزدىڭ جوبامىز بويىنشا تۇرمىستىق زورلىق-زومبىلىققا تاپ بولعان ازاماتتارعا قولداۋ كورسەتىلىپ، زاڭدىق تۇرعىدان كەڭەس بەرىلەدى. دءۇرداراز بولعان جانداردىڭ ماسەلەسىن شيەلەنىستىرمەي مەدياسيا ارقىلى بەيبىت جولمەن شەشىپ، ورتاق ءمامىلەگە كەلۋگە ۇندەيمىز. جالپى جوبانىڭ ماقساتى تۇرمىستىق زورلىق-زومبىلىقتىڭ الدىن الۋعا قارەكەت جاساۋ. سوعان بايلانىستى ەلىمىزدءىڭ بىرنەشە وڭىرىندە جوعارى وقۋ ورىندارىنىڭ جانە كوللەدجدەردىڭ ستۋدەنتتەرىمەن، مەكتەپ وقۋشىلارىمەن دە كەزدەسۋ ۇيىمداستىردىق. وتباسى قۇندىلىعىن ناسيحاتتاپ، اجىراسۋ، ەرلى-زايىپتىلاردىڭ ءبىر بىرىنە قول كوتەرىپ، ءزابىر كورسەتۋى ماسەلەنىڭ شەشىمى ەمەس، كەرىسىنشە شىتىناعان سەنىمدى سەتىنەتەتىن قادام ەكەنىن تۇسىندىردىك. جوبا اياسىندا ءارتۇرلى سالا ماماندارىن شاقىرىپ، تۇيتكىلدى ماسەلەلەردى وڭ شەشىمى ايتىلدى. ماسەلەن رەسپۋبليكالىق انالار كەڭەسىنىڭ ءتوراعاسى ءنازيپا شاناي، رەسپۋبليكالىق اكەلەر وداعى ءتوراعاسىنىڭ ورىنباسارى بەكدايىر نىعمەت ۇلى، قازاقستان ايەلدەر كۇشتەرى اليانسى ءتوراعاسىنىڭ ورىنباسارى بايان تويكەبايەۆا، اقمولا وبلىسى بويىنشا «مەرەيلى وتباسى» بايقاۋىنىڭ جەڭىمپازى بولعان بايان بەكەتاي سىندى سپيكەرلەر كەزدەسۋلەردە وتباسى قۇندىلىعىنىڭ ماڭىزىن جان-جاقتى تالقىلاپ ايتتى. مۇنداي جۇزدەسۋلەر جاس ۇرپاق ءۇشىن كەرەك جانە ءجيى ۇيىمداستىرىلعانى دۇرىس، – دەيدىءا.تولەگەن ۇلى.
بريفينگتى جۇرگىزگەن جوبانىڭ كوورديناتورى ساربيناس بولەگەن الەۋمەتتىك سالادا تۇرمىستىق زورلىق-زومبىلىقتىڭ الدىن الۋ پروفيلاكتيكاسىن نىعايتۋدىڭ ماڭىزدىلىعىنا توقتالدى.
– قوعامدا تۇرمىستىق زورلىق-زومبىلىقتى بولدىرماۋدىڭ ماڭىزى جوعارى. وكىنىشكە قارا ازاماتتار ءالى دە تولىققاندا اقپاراتتان حابارلار ەمەس. سول سەبەپتى دە ءبىز جوبا ارقىلى الەۋمەتتىك جەلىلەردە ءتۇرلى فورماتتاعى سۇحباتتار ۇيىمداستىرىپ، بەينە روليكتەر تۇسىردىك. يۋتۋب ارنامىزدا، سونداي-اق الەۋمەتتىك جەلىدەگى پاراقشالارىمىزدا دا حالىقتى اقپاراتتاندىرۋعا كۇش سالىپ كەلەمىز. جوبا شەڭبەرىندە اتقارىلعان جۇمىستار دا ناتيجەسىز ەمەس. «قاۋىپسىزدىك وزىڭنەن باستالادى» دەگەن تاقىرىپتا 3 ۆەبينار وتكىزىلدى. «الەمدى وزگەرتەتىن ايەلدەر» ايدارىمەن 7 پودكاست ءتۇسىرىلدى. ونلاين-مەكتەپ نەگىزىمەن «تاتۋ وتباسىم» تاقىرىبىندا 7 شىعارىلىم جۇزەگە استى. «ەر بولۋ – جاۋاپكەرشىلىك» دەگەن تاقىرىپ اياسىندا دا 4 سۇحبات جازىلىپ، كورەرمەنگە ۇسىنىلدى. سونىمەن قاتار ىشكى ىستەر مينيسترلىگىمەن بىرلەسىپ بىرنەشە الەۋمەتتىك روليكتەر ءتۇسىرىلدى. ءتۇرلى كەزدەسۋلەر وتكىزۋ ارقىلى حالىقتىڭ تۇرمىستىق زورلىق-زومبىلىققا جول بەرمەۋىنە سەپتىگىمىز تيسە – ماقساتىمىزدىڭ ورىندالعانى. كوللەدجدەردە كەزدەسۋ ۇيىمداستىرعاندا اڭعارعانىمىز ورىمدەي جاس ستۋدەنتتەردىڭ اراسىندا بۋللينگ ماسەلەسىالاڭداتارلىق. «قولىمىزدى مەزگىلىنەن كەش سەرمەمەس» ءۇشىن بۇعان بەي-جاي قاراۋعا بولمايدى، – دەيدى ساربيناس بولەگەن. جوبا جەتەكشىسى يگى باستاما الداعى ۋاقىتتا دا جالعاسىن تاباتىنىن جەتكىزدى.
بريفينكە ونلاين قوسىلعان الەۋمەتتانۋشى ايجامال سۇلتانبەكقىزى ساۋالناما جۇرگىزىپ، ازاماتتاردىڭ كەيبىرى ءالى دە زاڭدىق تۇرعىدانوزدەرىنىڭ قۇقىعىن قورعاۋدا ءالى دە قامسىز ەكەنىن ەسكەرتتى.
– تۇرمىستىق زورلىق-زومبىلىق تۋرالى زاڭنىڭ تالاپتارى كۇشەيتىلگەنىن، ەندى وتباسىنداعى ۇرىپ-سوعۋ بۇرىنعىداي اكىمشىلىك جاۋاپكەرشىلىكپەن ايىپ ارقالاماي قىلمىستىق جازاعا تارتىلاتىنىنان حابارسىز جاندار دا بار. سوندىقتان جانۇياداعى جانجالدىڭ سوڭى جاقسىلىققا اپارمايتىنىن ەستەن شىعارماعان ءجون، – دەيدى مامان.
بريفينگ سوڭىندا الەۋمەتتىك جوبانى جۇزەگە اسىرۋشىلار يگى باستاما قوعامدا كەڭ قولداۋ تاۋىپ، ناسيحاتى ارتقاندا ءىس ىلگەرى باساتىنىن ايتىپ، كوپشىلىكتى قولداۋعا شاقىردى.
