Búgin Astana qalasynda Tatulyq.KZ jobasynyń brifingi ótip, biylǵy sáýir-qarasha ailary aralyǵynda atqarylǵan jumystary saralandy. Bul joba – media arqyly turmystyq zorlyq-zombylyqtyń aldyn alyp, boldyrmaýǵa baǵyttalǵan bastama. «Serpin» ulttyq áleýmettik damý qoryqoǵamdyq qorynyń bastamasymen, Mádeniet jáne aqparat ministrligi men Azamattyq bastamalardy qoldaý ortalyǵynyń (ABQO) qoldaýymen júzege asyrylýda.
Tatulyq.KZ – 2025–2027 jyldarǵa arnalǵan úshjyldyq media joba. Basty maqsaty – zorlyq-zombylyqtyń aldyn alý tásilderi týraly qoǵamdy qulaǵdar etý, ózara syilastyq mádenietin qalyptastyryp, zorlyqqa nóldik tózimdilik kózqarasyn ornyqtyrý.
Búgingi baspasóz máslihatynda spikerler joba aiasynda biylǵy jeti aida atqarylǵan jumystarǵa toqtaldy. Joba aiasynda Tatulyq.KZ saity ashylyp, áleýmettik jelilerdegi paraqshalar (Facebook, Instagram, TikTok, YouTube) iske qosyldy. Sondai-aq aqparattyq naýqandar men zorlyqty eńserýdiń 14 tabysty tarihyn úlgi eter mysaldar júzege asyrylyp keledi. Otbasy qundylyǵyn arttyryp, turmystyq zorlyq-zombylyqtyń qasiretin saralaityn podkastar, vebinarlar, beinerolikter, infografikalar jáne analitikalyq materialdar daiyndalyp, kópshilikke usynyldy. Joba jetekshileri igi bastamaǵa árqashan qoldaý kórsetip, jýrnalister, blogerler, sarapshylar men qoǵam qairatkerleri árdaiym ashyq dialog ornatýǵa septigin tigizgenin de atap ótti. Jeti aidyń ishinde joba jalpyhalyqtyq sipat alyp, birqatar aýqymdy ister atqaryldy. Jospar boiynsha 12 million adamdy qamtyp, halyqtyń turmystyq zorlyqtyń aldyn alý týraly habardar etý kórsetkishin 80%-ǵa deiin arttyrý kózdelip otyr.
Brifingte áleýmettik jobanyń aiasynda atqarylǵan jumystarǵa toqtalǵan úilestrýshisi Ádilhan Tólegenuly turmystyq zorlyq-zombylyqtyń aldyn alý saldarmen kúresýdiń basty baǵyty ekenin atap ótti.
– «Serpinniń» jobasy sheńberinde júzege asyrylǵan jumystardyń nátijesi qýantarlyq. Bizdiń jobamyz boiynsha turmystyq zorlyq-zombylyqqa tap bolǵan azamattarǵa qoldaý kórsetilip, zańdyq turǵydan keńes beriledi. Dúrdaraz bolǵan jandardyń máselesin shielenistirmei mediatsiia arqyly beibit jolmen sheship, ortaq mámilege kelýge úndeimiz. Jalpy jobanyń maqsaty turmystyq zorlyq-zombylyqtyń aldyn alýǵa qareket jasaý. Soǵan bailanysty elimizdiń birneshe óńirinde joǵary oqý oryndarynyń jáne kolledjderdiń stýdentterimen, mektep oqýshylarymen de kezdesý uiymdastyrdyq. Otbasy qundylyǵyn nasihattap, ajyrasý, erli-zaiyptylardyń bir birine qol kóterip, zábir kórsetýi máseleniń sheshimi emes, kerisinshe shytynaǵan senimdi setinetetin qadam ekenin túsindirdik. Joba aiasynda ártúrli sala mamandaryn shaqyryp, túitkildi máselelerdi oń sheshimi aityldy. Máselen Respýblikalyq analar keńesiniń tóraǵasy Názipa Shanai, Respýblikalyq Ákeler odaǵy tóraǵasynyń orynbasary Bekdaiyr Nyǵmetuly, Qazaqstan áielder kúshteri aliansy tóraǵasynyń orynbasary Baian Toikebaeva, Aqmola oblysy boiynsha «Mereili otbasy» baiqaýynyń jeńimpazy bolǵan Baian Beketai syndy spikerler kezdesýlerde otbasy qundylyǵynyń mańyzyn jan-jaqty talqylap aitty. Mundai júzdesýler jas urpaq úshin kerek jáne jii uiymdastyrylǵany durys, – deidiÁ.Tólegenuly.
Brifingti júrgizgen jobanyń koordinatory Sarbinas Bólegen áleýmettik salada turmystyq zorlyq-zombylyqtyń aldyn alý profilaktikasyn nyǵaitýdyń mańyzdylyǵyna toqtaldy.
– Qoǵamda turmystyq zorlyq-zombylyqty boldyrmaýdyń mańyzy joǵary. Ókinishke qara azamattar áli de tolyqqanda aqparattan habarlar emes. Sol sebepti de biz joba arqyly áleýmettik jelilerde túrli formattaǵy suhbattar uiymdastyryp, beine rolikter túsirdik. Iýtýb arnamyzda, sondai-aq áleýmettik jelidegi paraqshalarymyzda da halyqty aqparattandyrýǵa kúsh salyp kelemiz. Joba sheńberinde atqarylǵan jumystar da nátijesiz emes. «Qaýipsizdik ózińnen bastalady» degen taqyrypta 3 vebinar ótkizildi. «Álemdi ózgertetin áielder» aidarymen 7 podkast túsirildi. Onlain-mektep negizimen «Tatý otbasym» taqyrybynda 7 shyǵarylym júzege asty. «Er bolý – jaýapkershilik» degen taqyryp aiasynda da 4 suhbat jazylyp, kórermenge usynyldy. Sonymen qatar Ishki ister ministrligimen birlesip birneshe áleýmettik rolikter túsirildi. Túrli kezdesýler ótkizý arqyly halyqtyń turmystyq zorlyq-zombylyqqa jol bermeýine septigimiz tise – maqsatymyzdyń oryndalǵany. Kolledjderde kezdesý uiymdastyrǵanda ańǵarǵanymyz órimdei jas stýdentterdiń arasynda býlling máselesialańdatarlyq. «Qolymyzdy mezgilinen kesh sermemes» úshin buǵan bei-jai qaraýǵa bolmaidy, – deidi Sarbinas Bólegen. Joba jetekshisi igi bastama aldaǵy ýaqytta da jalǵasyn tabatynyn jetkizdi.
Brifinke onlain qosylǵan áleýmettanýshy Aijamal Sultanbekqyzy saýalnama júrgizip, azamattardyń keibiri áli de zańdyq turǵydanózderiniń quqyǵyn qorǵaýda áli de qamsyz ekenin eskertti.
– Turmystyq zorlyq-zombylyq týraly zańnyń talaptary kúsheitilgenin, endi otbasyndaǵy uryp-soǵý burynǵydai ákimshilik jaýapkershilikpen aiyp arqalamai qylmystyq jazaǵa tartylatynynan habarsyz jandar da bar. Sondyqtan januiadaǵy janjaldyń sońy jaqsylyqqa aparmaitynyn esten shyǵarmaǵan jón, – deidi maman.
Brifing sońynda áleýmettik jobany júzege asyrýshylar igi bastama qoǵamda keń qoldaý taýyp, nasihaty artqanda is ilgeri basatynyn aityp, kópshilikti qoldaýǵa shaqyrdy.
