تاتارستاندا قازاقتىڭ ۇلى اقىنى ەرٸ ويشىلى اباي قۇنانباەۆتىڭ ەسكەرتكٸش-بيۋستٸ اشىلدى, - دەپ حابارلايدى Dalanews.kz.
تاتارستان استاناسىندا قازاقتىڭ ۇلى اقىنى ەرٸ ويشىلى اباي قۇنانباەۆقا ارنالعان ەسكەرتكٸشتٸڭ اشىلۋ سالتاناتى ٶتتٸ. ٸس-شارا قازاقستان پرەزيدەنتٸنٸڭ 2024 جىلعى 22-24 قازان ارالىعىندا ٶتٸپ جاتقان بريكس مەملەكەت باسشىلارىنىڭ XVI سامميتٸنە قاتىسۋ ٷشٸن قازان قالاسىنا جۇمىس ساپارى اياسىندا ٶتكٸزٸلدٸ. اشىلۋ سالتاناتىنا قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا, تاتارستان رەسپۋبليكاسىنىڭ مەدەنيەت مينيسترٸ يرادا ايۋپوۆا, قازانداعى قر باس كونسۋلى ەرلان ىسقاقوۆ, سونداي-اق تاتارستان جازۋشىلار وداعىنىڭ تٶراعاسى ركايل زايدۋللين, سونداي-اق قالا تۇرعىندارى مەن قازاق ۇلتتىق-مەدەني اۆتونوميياسىنىڭ ٶكٸلدەرٸ قاتىستى. قر مەدەنيەت جەنە اقپارات مينيسترٸ ايدا بالاەۆا قازاندا ەسكەرتكٸشتٸڭ اشىلۋىن حالىقتار اراسىنداعى دوستىقتىڭ, ٶزارا تٷسٸنٸستٸك پەن رۋحاني تۋىستىقتىڭ ٷلگٸسٸ ەكەنٸن ايتتى.
«بٷگٸنگٸ ٸس-شارانىڭ بريكس مەملەكەتتەرٸ ىنتىماقتاستىعى سامميتٸ اياسىندا ٶتٸپ جاتقانىنىڭ ٶزٸ ٸس-شاراعا ەرەكشە سيپات بەرٸپ تۇر. بۇل ەكٸ ەل اراسىنداعى مەدەني بايلانىستى نىعايتىپ, تەرەڭدەتە تٷسەرٸ سٶزسٸز. اباي – ٶز ۇلتىنىڭ رۋحاني بايلىعىن بويىنا سٸڭٸرە وتىرىپ, جالپى ادامزاتتىق وي-پٸكٸر دەڭگەيٸنە كٶتەرٸلگەن تۇلعا. بٸزدٸڭ حالىقتار اراسىنداعى ٶزارا مەدەني قۇندىلىعىمىز ارتىپ, دوستىعىمىز نىعايا بەرسٸن», – دەدٸ ايدا بالاەۆا.
ۇلى ويشىلدىڭ ەسكەرتكٸشٸ قازان قالاسىندا نازارباەۆ پەن كاچالوۆ كٶشەلەرٸنٸڭ قيىلىسىندا ورناتىلدى. بيۋست اۆتورى – قازاقستان رەسپۋبليكاسى سۋرەتشٸلەر وداعىنىڭ مٷشەسٸ, مٷسٸنشٸ نۇربول قاليەۆ.
«قازاقستاننىڭ رەسەيمەن دوستىق قاتىناسىن دامىتۋ اياسىندا تاتارستانعا, بٸزدٸڭ مەدەنيەتٸمٸزگە شىنايى قىزىعۋشىلىق تانىتىپ جاتقانى قۋانتادى. 2018 جىلى قازاقستان تاراپىنان قازان قالاسىنا قوناقجايلىق بەلگٸسٸ – «تايقازان» مٷسٸنٸ سىيعا بەرٸلدٸ. بٷگٸن ابايدىڭ ەسكەرتكٸشٸ دە دەل وسى جەردە, وسى الاڭدا ورناتىلۋى كەزدەيسوق ەمەس. رەسەيدە ۇلى قازاق اقىنىنا دەگەن قۇرمەت ەرەكشە. ەلٸمٸزدٸڭ استاناسىندا ابايدىڭ ەسكەرتكٸشٸ ورناتىلعان. سونداي-اق رەسەيدٸڭ بٸرقاتار قالالارىندا اباي قۇنانبايۇلىنىڭ اتىمەن اتالعان كٶشەلەر بار. بٷگٸنگٸ ٸس-شارا – قازاق پەن تاتار حالىقتارىنىڭ رۋحاني بٸرلٸگٸنە نەگٸزدەلگەن ۇزاق جىلدار بويعى جەمٸستٸ ٸسكەرلٸك پەن مەدەني بايلانىستاردىڭ نەتيجەسٸ دەپ بٸلەمٸز», – دەدٸ تاتارستان رەسپۋبليكاسىنىڭ مەدەنيەت مينيسترٸ يرادا ايۋپوۆا.
