تارازدا قۇرىلىس سالاسىنداعى سىبايلاس جەمقورلىق ٸسٸ بويىنشا سوت ٷكٸمٸ شىقتى. قالا ەكٸمٸنٸڭ بۇرىنعى ورىنباسارى نۇربول قالدىباەۆ قىزمەتتٸك ٶكٸلەتتٸگٸن اسىرا پايدالاندى دەپ تانىلىپ, تٶرت جىلعا باس بوستاندىعىنان ايىرىلدى, دەپ حابارلايدى Dalanews.kz Orda.kz-كە سٸلتەمە جاساپ.
بۇرىنعى شەنەۋنٸكپەن بٸرگە سوتتالۋشىلار قاتارىندا مەردٸگەر ۇيىمنىڭ ٶكٸلٸ دە بولدى. ول الاياقتىق بابى بويىنشا كٸنەلٸ دەپ تانىلىپ, التى جىل تٷرمە جازاسىن الدى.
تەرگەۋ نۇسقاسىنا سەيكەس, 2022 جىلعى شٸلدەدەن 2023 جىلعى قاراشاعا دەيٸن قالدىباەۆ تاراز قالاسى ەكٸمدٸگٸندە قۇرىلىس جەنە تۇرعىن ٷي-كوممۋنالدىق شارۋاشىلىق سالاسىنا جەتەكشٸلٸك ەتە وتىرىپ, بٸرقاتار ٶرەسكەل زاڭبۇزۋشىلىقتارعا جول بەرگەن. اتاپ ايتقاندا, «ۇلى دالا» جاڭا تۇرعىن الابىنداعى ەكٸ كٶپقاباتتى ٷي قۇرىلىسى اياقتالماعان كٷيدە پايدالانۋعا بەرٸلگەن. بۇل نىساندارعا بيۋدجەتتەن 1,2 ميلليارد تەڭگەدەن استام قاراجات بٶلٸنگەن.
باستاپقىدا قالدىباەۆقا قىلمىستىق كودەكستٸڭ 189-بابى 4-بٶلٸگٸ بويىنشا (سەنٸپ تاپسىرىلعان مٷلٸكتٸ يەمدەنۋ جەنە ىسىراپ ەتۋ) ايىپ تاعىلعان, الايدا تەرگەۋ بارىسىندا بۇل باپ قىزمەتتٸك ٶكٸلەتتٸكتٸ اسىرا پايدالانۋ بابىنا اۋىستىرىلدى. كەلتٸرٸلگەن شىعىن 137 ميلليون تەڭگەنٸ قۇرادى.
سىبايلاس جەمقورلىققا قارسى قىزمەت قالدىباەۆتى وتستاۆكاعا كەتكەن سوڭ ٷش اپتا ٶتكەننەن كەيٸن, 2023 جىلعى 11 جەلتوقساندا ۇستادى. سوتتا ول ٶز كٸنەسٸن مويىنداعان جوق. الايدا مەردٸگەر قالدىباەۆتىڭ نىسانداردىڭ ناقتى جاعدايىنان حاباردار بولعانىن جەنە جالعان قابىلداۋ اكتٸلەرٸنە سانالى تٷردە قول قويعانىن راستادى.
