تارازداعى گيمنازييالاردىڭ بٸرٸندە 15 جاستاعى وقۋشى قاتارلاستارىنىڭ سوققىسىنا جىعىلىپ, اۋىر جاراقات الدى. تۋىستارىنىڭ ايتۋىنشا, جاسٶسپٸرٸمدٸ ساباق اراسىنداعى ٷزٸلٸستە كيٸم اۋىستىراتىن بٶلمەگە الداپ كٸرگٸزٸپ, سول جەردە بٸرنەشە وقۋشى جابىلىپ ۇرعان, دەپ حابارلايدى Dalanews.kz.
"كريمينالنىي كازاحستان" تەلەگرام ارناسى بەينەباقىلاۋ جازباسىن بٶلٸستٸ. وندا ەۋەلدە باستالعان ەڭگٸمە كٶپ ۇزاماي تٶبەلەسكە ۇلاسقان. جەبٸرلەنۋشٸنٸ باس تۇسىنان ۇرىپ-سوققان, ال وعان اراشا تٷسپەك بولعان دوسىنا كەدەرگٸ كەلتٸرگەن.
جاسٶسپٸرٸمنٸڭ اناسىنىڭ سٶزٸنشە, بالاسى اۋىر جاراقات العان. دەرٸگەرلەر ونىڭ كٶزٸن ساقتاپ قالۋ ٷشٸن شۇعىل وتا جاساپ, زاقىمدانعان مٷشەنٸ قالپىنا كەلتٸرۋگە تىرىسقان. قازٸرگٸ تاڭدا وقۋشىنىڭ جاعدايى اۋىر.
اناسىنىڭ ايتۋىنشا, دەرٸگەرلەر الداعى 10 كٷن اسا ماڭىزدى ەكەنٸن ەسكەرتكەن. سەبەبٸ ينفەكتسييانىڭ ميعا تاراۋ قاۋپٸ بار. سونىمەن قاتار بالا ميى شايقالىپ, كونتۋزييا العان.
جەبٸرلەنۋشٸ وتادان كەيٸن بولعان جايتتى تولىق ەسٸنە تٷسٸرە الماي وتىر. ونىڭ ايتۋىنشا, شابۋىل جاساعانداردىڭ قولىندا مەتالل زات بولۋى مٷمكٸن.
اتالعان فاكتٸ بويىنشا پوليتسييا "دەنساۋلىققا قاساقانا اۋىر زييان كەلتٸرۋ" بابى بويىنشا قىلمىستىق ٸس قوزعادى. كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى.
سونداي-اق قۇقىق قورعاۋ ورگاندارى وقيعاعا قاتىسى بار جاسٶسپٸرٸمدەردٸڭ اتا-انالارىن دا جاۋاپكەرشٸلٸككە تارتۋ مەسەلەسٸن قاراستىرىپ جاتىر.
