الەمدەگى ەڭ اۋقىمدى كىتاپ كورمەسىنە جىل سايىن دۇنيەجۇزىنىڭ 100 ەلىنەن 7 مىڭعا جۋىق قاتىسۋشى ءوز جۇمىستارىن شىعارادى. سولاردىڭ اراسىنان ساراپشى ماماندار پەداگوگيكا عىلىمدارىنىڭ دوكتورى، ايماقتىق مەنەدجمەنت اكادەمياسىنىڭ اكادەميگى، پروفەسسور ۆلاديمير كيم مەن تەحنيكا عىلىمدارىنىڭ دوكتورى، پروفەسسور، رەسەي جاراتىلىستانۋ اكادەمياسىنىڭ كوررەسپوندەنت مۇشەسى مۇقاتاي نەمەرەبايەۆتىڭ، سونداي-اق تەحنيكا عىلىمدارىنىڭ كانديداتى ۆيكتور كيمنىڭ بىرىگە جازعان «ءبىلىم الۋشىلاردىڭ رۋحاني - ادامگەرشىلىك تاربيەسىن ايقىنداۋ ادىستەمەسى» مونوگرافياسىن جوعارى باعالادى.
جالپى، اتالعان وقۋلىق كوپ ۇلتتى ۇجىمدا ءبىلىم الىپ جاتقان جاستاردىڭ رۋحاني-ادامگەرشىلىك تاربيەسىندەگى پروبلەمالارعا ارنالعان. ەڭبەكتىڭ جوعارى باعالانۋىنىڭ بىردەن ءبىر سەبەبى، اۆتورلاردىڭ ۇزاق مەرزىمدىك پەداگوگيكالىق تاجىريبەسىن پايدالانىپ جازىلعانىندا جاتىر.
حالىقارالىق دەڭگەيدە جوعارى باعالاناتىن بۇل كىتاپ كورمەسىندە وسى ۋاقىتقا دەيىن ءبىر دە ءبىر قازاقستاندىق اۆتورلاردىڭ ەڭبەگى جۇلدە العان ەمەس. سوندىقتان تارازدىق عالىمداردىڭ بۇل جەڭىسى ماقتاۋعا ابدەن لايىق.
جامبىل وبلىسى اكىمنىڭ باسپا ءسوز قىزمەتى
