قازاقستان پرەزيدەنتى قاسىم-جومارت توقايەۆتىڭ بيىلعى جولداۋى ەلدىڭ الداعى دامۋىنا بايلانىستى ناقتى باعىت-باعدارلاردى ايقىنداپ بەرگەندىگىنە ونىمەن تانىسا وتىرىپ، كوزىمىز جەتتى.
سونداي ءبىر قوعام ءۇشىن اتوم ەلەكتر ستانساسىنا (اەس) قاتىستى ماڭىزدى ماسەلەنى حالىقتىڭ ءوزى تىكەلەي تاڭداۋى ارقىلى شەشۋ قاجەتتىگى جونىندەگى مەملەكەت باسشىسىنىڭ جولداۋدا اتاپ كورسەتۋى وتە دۇرىس قادام بولدى دەپ ويلايمىن.
اتوم ەلەكتر ستانساسى (اەس) بۇل ءبىرىنشى كەزەكتە ەلدىڭ ەكونوميكالىق تۇرعىدان الەۋەتىن كوتەرەتىن قۇرىلىم دەپ ويلايمىن. بۇل رەتتە شەت ەلدىك تاجىريبەلەرگە قاراساق، مەملەكەتتىڭ ەكونوميكالىق تۇرعىدا جاڭارتۋدىڭ ءبىر جولى اتوم ەلەكتر ستانساسىنىڭ (اەس) الەۋەتىن پايدالانۋ ەكەن.
ءبىزدىڭ جاعىدايىمىزدا وسى تۇرعىدا حالىقتىڭ باسىم بولىگى جاڭارتۋ ساياساتىن سانالى تۇردە قولداعان ۋاقىتتا بۇل ماقسات، قانداي قيىندىقتار كەزىكپەسىن ونىڭ مۇمكىن بولاتىندىعىن كورسەتىپ وتىر.
اتوم ەلەكتر ستانساسى (اەس) بويىنشا كاسىبي ماماندارىمىز ەلدەگى جالپى جاعىدايعا جانە شەشۋ جولدارىن انىقتاپ، دۇرىس باعا بەرۋ ماقساتىندا ناقتى جاعدايعا تالداۋ جاساپ جاتىر. بۇل باعىتتا جۇمىستى ۇيىمداستىرۋدىڭ ماڭىزدى ءبىر ەرەكشەلىگى – ول اتالعان ماسەلە بويىنشا سان-الۋان كوزقاراستاردى ساراپتاپ، شىنايى ومىردە ناقتى جۇزەگە اسۋى بولىپ وتىر.
قازىرگى ۋاقىتتا مەملەكەتتىك تۇرعىدا باسىم باعىت بەرىلىپ وتىرعان اتالعان ساياسات شەڭبەرىندە باعدارلامانىڭ جۇزەگە اسىرىلۋى باستالدى. مەملەكەت باسشىسى بۇگىندە ەلىمىز ءۇشىن ماڭىزدى ماسەلە الەۋمەتتىك-ەكونوميكالىق باعدارلامانىڭ ناقتى جۇزەگە اسىرۋ مەحانيزمدەرىن ىسكە قوسۋ جايلارىن اتاپ كورسەتكەن. ونى جۇزەگە اسىرۋدا ءاربىر قوعامدىق ينستيتۋتتاردىڭ اتقارار ىستەرى اۋقىمدى بولماق دەپ بىلەمىز.
ەل پرەزيدەنتى قوعامدىق دامۋدىڭ بارشا اسپەكتىلەرىن ەسكەرە وتىرىپ، ەكونوميكالىق رەفورمالار جۇزەگە اسۋى ءۇشىن ءبىر تۋدىڭ استىنا بىرىگۋدى العا قويعان. ماقسات - ەكونوميكالىق رەفورمالار جۇزەگە اسىپ، ءاربىر ادامنىڭ، وتان ءۇشىن تىنباي ەڭبەك ەتىپ، ەلدىڭ جاڭارۋى مەن دامي تۇسۋىنە ۇلەس قوسقان ازاماتتاردىڭ تۇرمىستىق جاعدايىن جاقسارتۋ.
ارينە، ءبىزدىڭ تاڭداۋ - بەيبىت اتوم. سەبەبى، بۇگىنگى ۋاقىتتا دۇنيە جۇزىلىك كەڭىستىكتە مۇناي جانە گاز باعاسىنىڭ قۇبىلمالىلىعى، وسى شيكىزاتتىق ەنەرگيا كوزدەرىنىڭ تابيعي قورىنىڭ جىلدان-جىلعا كۇرت ازايۋى ادامزاتتى باسقا بالاما قۋات كوزدەرىن ىزدەۋگە ماجبۇرلەپ وتىر. وسى تۇرعىدا الەمدىك ەكونوميكا باسقا بالامالى قۋات كوزدەرىنەن الدەقايدا ءتيىمدى اتوم ەنەرگەتيكاسىن قالاپ، قۋاتتاپ وتىر. بۇل تۇرعىدا ءبىرقاتار دامىعان ەلدەردە ەلەكتر قۋاتىن ءوندىرۋ ۇلەسىندە اتوم ەنەرگەتيكاسىنىڭ ۇلەس سالماعى ەلۋ پايىزدان ارتىپ وتىر. سوندىقتان دامىعان ەلدەر ءجۇرىپ جاتقان سارا جولمەن ءبىز دە جۇرسەك، ەش سوكەتتىگى جوق.
ماحاببات المۇحامەدوۆا،
ءال-فارابي اتىنداعى قازۇۋ، جۋرناليستيكا فاكۋلتەتى
باسپاگەرلىك-رەداكتورلىق جانە ديزاينەرلىك ونەر كافەدراسىنىڭ وقىتۋشىسى
