تالعار اۋدانىنىڭ پوليسەيلەرى ميلليونداعان شىعىنى بار الاياقتىق جاساعان قاماۋداعى كۇدىكتىنىڭ قىرىقىنشى ەپيزودىن انىقتادى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
– سوتقا دەيىنگى تەرگەۋ بارىسىندا ءبىرقاتار قىلمىستار ءۇشىن تەرگەۋدە جۇرگەن 27 جاستاعى كۇدىكتىگە بايلانىستى الاياقتىقتىڭ جاڭا فاكتىسى انىقتالدى. بەلگىلى بولعانداي، ول قاراعاندىنىڭ تۇرعىنىن جەڭىلدىكپەن نەسيە الۋعا كومەكتەسۋگە ۋادە بەرىپ، وعان 3،5 ميلليون تەڭگە كولەمىندە زالال كەلتىرىپ الداعان. بۇل ءىس ايىپتالۋشىنىڭ ىسىندەگى 40-شى ەپيزود بولدى جانە سوتقا بەرۋ ءۇشىن نەگىزگى قىلمىستىق ىسكە قوسىلدى، – دەپ حابارلادى پوليسيا.
ءقازىر الاياقتىڭ قۇرباندارىنا كەلتىرىلگەن جالپى شىعىن 80 ميلليون تەڭگەدەن استام سومانى قۇراپ وتىر. پوليسيا كۇدىكتىنىڭ باسقا دا وسىنداي قىلمىستارعا قاتىسى بار-جوعىن تەكسەرۋدى جالعاستىرۋدا.
قۇقىق قورعاۋ ورگاندارى وسىنداي الاياقتىق سحەمالاردان زارداپ شەككەن ازاماتتاردى دەرەۋ پوليسياعا جۇگىنۋگە شاقىرادى. بۇل بارلىق زارداپ شەككەندەردى انىقتاۋعا جانە كىنالىنى زاڭعا سايكەس جاۋاپقا تارتۋعا كومەكتەسەدى.
