جەتٸسۋ وبلىسىندا حالىقتىڭ ەلەۋمەتتٸك وسال توپتارى ساناتىنان 30 وتباسى جاڭا ٷيلٸ بولدى. تالدىقورعان قالاسىنداعى «جاستار-3» جاڭا تۇرعىن اۋدانىنان بەرٸلگەن ٷيلەردٸڭ كٸلتٸن وبلىس ەكٸمٸ بەيبٸت يساباەۆ تابىستادى, - دەپ حابارلايدى Dalanews.kz جەتٸسۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
جالپى جىل باسىنان بەرٸ وبلىس ورتالىعىندا كەزەكتەگٸ 102 وتباسى جاڭا باسپاناعا كٸردٸ. اتاپ ايتقاندا, «بەرەكە» كوتتەدج قالاشىعىنىڭ, «جاستار-3» تۇرعىن الابىندا ەلەۋمەتتٸك وسال توپ ساناتىنداعى ازاماتتار مەن كٶپ بالالى وتباسىلار ٷيلٸ بولدى.
كٸلت بەرۋ سالتاناتىنا قاتىسقان وبلىس ەكٸمٸ بەيبٸت يساباەۆ جاڭا قونىس يەلەرٸن قۋانىشتارىمەن قۇتتىقتاپ, باسپانامەن قامتۋ باعىتىندا ٶڭٸردە اتقارىلىپ جاتقان شارالارعا توقتالدى.
"مەملەكەتتٸڭ قولداۋىمەن قابىلدانىپ جاتقان شارالاردىڭ ارقاسىندا تالدىقورعاندا بيىل جىل باسىنان بەرٸ ەلەۋمەتتٸك وسال توپتار ساناتىمەن كەزەكتە تۇرعان 102 كٶپبالالى وتباسى ٷيلٸ بولدى. سولاردىڭ قاتاردا بٷگٸن سٸزدەر دە ٶز ٷيلەرٸڭٸزدٸڭ كٸلتٸن الىپ وتىرسىزدار. دەل وسى جاڭا تۇرعىن الابىندا 56 ٷي سالىندى, بيىل بٸز 150 ٷي سالۋدى جوسپارلاپ وتىرمىز. جالپى مۇندا 700-دەن استام ٷي بولادى. جول جاسالادى, قۇجاتتار دايىن. سونداي-اق بيىل گازداندىرۋ جۇمىستارىن باستايمىز. وسىلايشا بۇل اۋدان الداعى ۋاقىتتا قالانىڭ ٷلكەن ەرٸ ەدەمٸ زاماناۋي شاعىن اۋداندارىنىڭ بٸرٸ بولادى. سودان كەيٸن بٸز مۇندا ەلەۋمەتتٸك نىسانداردى سالۋ مەسەلەسٸن قاراستىرا باستايمىز. جالپى ٶتكەن جىلى تالدىقورعاندا تۇرعىن ٷي كەزەگٸ 8,3%-عا ازايدى, وسى جىلى تاعى 1400-دەن استام وتباسىنا تۇرعىن ٷي بەرٸلەدٸ دەپ جوسپارلاپ وتىرمىز. سٶيتٸپ 2023-2025 جىلدارى وبلىس ورتالىعىندا كەزەكتە تۇرعان 5 مىڭعا جۋىق ادام تۇرعىن ٷيمەن قامتاماسىز ەتٸلەدٸ", - دەدٸ ب. يساباەۆ.
ەسكە سالساق, وسىدان 10 كٷن بۇرىن وسى شاعىن اۋداندا العاشقى 23 وتباسى جاڭا قونىسقا كٸرگەن بولاتىن.
جالپى بٷگٸنگٸ جاڭا قونىس يەلەرٸنٸڭ اراسىندا تولىق ەمەس وتباسىلار, مٷگەدەك بالالاردى اسىراپ وتىرعان وتباسىلار, كەمەلەتكە تولعانعا دەيٸن جەتٸم قالعان جەنە اتا-اناسىنىڭ قامقورلىعىنسىز قالعاندار, مٷگەدەك بالا تەربيەلەپ وتىرعان وتباسىلار, ٸ جەنە ٸٸ توپتاعى مٷگەدەكتەر, زەينەتكەرلەر بار.
تۇرعىن ٷي كٸلتٸن العانداردىڭ قاتارىنداعى شابەلسكيي وتباسى قۋانىشىن بٶلٸستٸ.
"قازٸر 25 جاسقا كەلدٸم. 2011 جىلدان باستاپ تۇرعىن ٷيگە كەزەگٸندە تۇرامىن. مەن كٸشكەنتايىمنان ەجەمنٸڭ قولىندا ٶستٸم. وسى كەزگە دەيٸن ەيەل, بالا-شاعاممەن بٸرگە ەجەمنٸڭ ٷيٸندە بٸرگە تۇردىق. ەرينە, ٶز ٷيٸمٸز بولسا دەپ ارماندادىق, ەسٸرەسە ەكٸ قىزىم ٶز بٶلمەمٸز بولسا دەيتٸن. ەندٸ, مٸنە, ٷيٸمٸزگە قول جەتكٸزدٸك, قۋانىشىمىزدا شەك جوق", - دەدٸ جاس وتاعاسى سۆياتوسلاۆ الەكسەەۆيچ.
قالانىڭ تاعى بٸر تۇرعىنى جانار ەبدٸلمانوۆا دا جاڭا قونىستىڭ قۋانىشىنا كەنەلدٸ. ول «تولىق ەمەس وتباسى» ساناتىندا تۇرعىن ٷيگە كەزەگٸندە 13 جىل تۇرعان.
"بٷگٸن بٸزدٸڭ ەۋلەتٸمٸزدە ٷلكەن مەرەكە. جالدامالى پەتەردە كٶشٸپ جٷرەتٸن ۋاقىتىمىز ەندٸ ارتتا قالدى. بالالارىمنىڭ جايلى, ەدەمٸ, كەڭ ٷيدە ەركٸن ٶسەتٸنٸنە قۋانىپ وتىرمىن", - دەيدٸ ول.
تالدىقورعاندىق دانا دەميدوۆا دا ٶز جايىن قىسقاشا بايانداپ بەردٸ:
"مەنٸڭ ەكٸ بالام بار, كٸشٸ ۇلىم 16 جاستا. اۋىر جول اپاتىنىڭ سالدارىنان كٷيەۋٸم مەرت بولدى, دەنساۋلىعىم ناشارلاپ, ٶزٸم مٷگەدەكتٸك الدىم. بٷگٸن وتباسىمىز ٷلكەن قۋانىشقا كەنەلٸپ, قونىستويىن تويلاپ جاتىرمىز. بٸز بۇل كٷندٸ 14 جىل كٷتتٸك. بٷگٸنگٸ قۋانىش يەلەرٸن شىن جٷرەكتەن قۇتتىقتايمىن", - دەدٸ دەنساۋلىق ساقتاۋ سالاسىندا فەلدشەر بولىپ 25 جىلداي جۇمىس ٸستەگەن د.دەميدوۆا.
اتاپ ٶتسەك, ەر ٷيدٸڭ جالپى اۋدانى 76 شارشى مەتر. مۇندا ٷش تۇرعىن بٶلمە, اس ٷي مەن جۋىناتىن بٶلمە بار. ٷي ەلەكتر قازاندىعى ارقىلى جىلىتىلادى, ال گاز قازاندىقتارى تابيعي گاز جەتكٸزٸلگەننەن كەيٸن ٸسكە قوسىلادى. ٶڭٸر باسشىسىنىڭ ايتۋىنشا, جىل سوڭىنا دەيٸن تۇرعىن ٷي الابىنا گاز تارتۋ جوسپاردا بار.
جالپى ٶتكەن جىلى وبلىستا 371,9 مىڭ شارشى مەتر تۇرعىن ٷي تاپسىرىلسا, بيىل تاعى 380 مىڭ شارشى مەتر تۇرعىن ٷي بەرۋ جوسپارلانىپ وتىر.
