بٷگٸن وبلىس ورتالىعى تالدىقورعان قالاسىندا اۆتوكلاۆتى قاتايتاتىن گازبەتوندى بلوكتار شىعاراتىن جاڭا زاۋىت ٸسكە قوسىلدى. بۇل كەسٸپورىن كٸرپٸشتٸڭ وسى تٷرلەرٸن ٶندٸرەتٸن ٶڭٸردەگٸ العاشقى كەسٸپورىن سانالادى. زاۋىتتىڭ جىلدىق قۋاتى جىلىنا 150 مىڭ تەكشە مەتر. مۇندا 50 جاڭا جۇمىس ورنى اشىلعان. جاڭا زاۋىتقا 2,5 ملرد. تەڭگە ينۆەستيتسييا تارتىلدى,- دەپ حابارلايدى Dalanews.kz
– جەتٸسۋ وبلىسى قۇرىلعاننان بەرٸ ٷش جىل ٸشٸندە ٶنەركەسٸپتٸك ٶندٸرٸستٸڭ جىلدىق كٶلەمٸ 16,8% ٶسٸممەن 347 ملرد. تەڭگەگە جەتتٸ. وسى جىلدار ٸشٸندە ٶنەركەسٸپتە جالپى سوماسى 85 ملرد. تەڭگەگە 35 جوبا ٸسكە اسىرىلدى. ولاردىڭ ٸشٸندە جەل جەنە سۋ ەلەكتر ستانتسييالارى, ٶنەركەسٸپتٸك اككۋمۋلياتورلار مەن كٷن پانەلدەرٸن شىعاراتىن زاۋىتتار بار. جالپى جەتٸسۋ - قۇرىلىس قارقىندى جٷرگٸزٸلٸپ جاتقان ٶڭٸرلەردٸڭ بٸرٸ. وبلىستا ەلەۋمەتتٸك نىساندار مەن تۇرعىن ٷيلەر جاپپاي سالىنىپ, ينجەنەرلٸك كوممۋنيكاتسييالار جٷرگٸزٸلۋدە. جاڭا زاۋىتتىڭ ٸسكە قوسىلۋى قۇرىلىس سالاسىن جەرگٸلٸكتٸ ماتەريالدارمەن قامتاماسىز ەتٸپ, ٶڭٸردٸڭ قۇرىلىس يندۋستريياسىن دامىتۋعا جەنە شەتەلدٸك ٶنٸمدەرگە تەۋەلدٸلٸكتٸ ازايتۋعا ىقپال ەتەتٸن بولادى, - دەدٸ جينالعانداردى كەسٸپورىننىڭ اشىلۋىمەن قۇتتىقتاعان وبلىس ەكٸمٸنٸڭ ورىنباسارى ەسەت قاناعاتوۆ.
«ستالبەتون» جشس ديرەكتورى قالقاباي مۇسانوۆ زاۋىت ۇجىمىن قۇتتىقتاپ, جاڭا ٶندٸرٸستٸ ٸسكە قوسۋعا قاتىسقانداردىڭ بارلىعىنا العىسىن بٸلدٸردٸ.
ٸسكە قوسۋ سالتاناتىنان كەيٸن رەسمي قوناقتار كەسٸپورىندى ارالاپ, جۇمىسىمەن تانىستى. اتاپ ٶتسەك, كەسٸپورىن «تالدىقورعان» يندۋسترييالىق ايماعىنىڭ اۋماعىندا ورنالاسقان.
زاۋىتتىڭ ٶندٸرٸستٸك ديرەكتورى دەۋرەن نۇرەلٸنٸڭ ايتۋىنشا, بۇل ايماقتاعى وسىنداي العاشقى زاۋىت, ٶيتكەنٸ وبلىستا كٸرپٸشتٸڭ بۇل تٷرلەرٸن ٶندٸرەتٸن كەسٸپورىندار ەزٸرگە جوق.
- بٸزدٸڭ زاۋىتتا ٶندٸرٸلگەن اۆتوكلاۆتى قاتايتىلعان گازدالعان بەتون كٸرپٸشتەر تيٸستٸ نورمالار مەن ستاندارتتارعا سەيكەس جاسالادى. كٸرپٸشتەر قىتاي تەحنولوگيياسى بويىنشا شىعارىلادى, جەرگٸلٸكتٸ ماماندار زاماناۋي جابدىقتا جۇمىس ٸستەۋ ٷشٸن ارنايى وقۋدان ٶتتٸ. كٸرپٸشتٸڭ بۇل تٷرٸنٸڭ باستى ەرەكشەلٸگٸ - ولار قىستا جىلۋدى ٶتە جاقسى ساقتايدى, ال جازدا بٶلمەنٸ سالقىن كٷيٸندە ۇستاپ تۇرا الادى. سوندىقتان ولار نەگٸزٸنەن كٶپ قاباتتى ٷيلەر مەن جالپى تۇرعىن ٷيلەر سالۋدا پايدالانىلادى. ٶندٸرٸستە جەرگٸلٸكتٸ شيكٸزات قولدانىلادى. بٸزدٸڭ ٶنٸمٸمٸز ەڭ الدىمەن جەتٸسۋ وبلىسىندا جەنە كٶرشٸ الماتى وبلىسىندا ساۋدالاناتىن بولادى, - دەدٸ د. نۇرالى.
كەسٸپورىندا قازٸر 50 تۇراقتى جۇمىس ورنى اشىلدى. مۇندا تٷرلٸ سالاداعى جەرگٸلٸكتٸ ماماندار جۇمىسقا ورنالاستىرىلدى. زاۋىتتىڭ تەگٸن جاتاقحاناسى بار, سونداي-اق قىزمەتكەرلەر كٷنٸنە ٷش رەت ىستىق تاماقپەن قامتىلادى. جۇمىسقا ورنالاستىرىلعان ماماندار اراسىندا اقسۋ اۋدانىنان كەلگەن جاس وتباسى دا بار.
- زاۋىتقا بٸرٸنشٸ بولىپ ٶزٸم, سودان كەيٸن جۇبايىم جۇمىسقا تۇردى. مەنٸڭ ماماندىعىم – تەربيەشٸ, كٷيەۋٸم – ٸت سالاسىنىڭ مامانى. وتاسقانىمىزعا 8 جىل بولدى, ٷش بالامىز بار. زاۋىتتا ارنايى دايىندىقتان ٶتتٸم, قازٸر تابىستى جۇمىس ٸستەپ كەلەمٸن. بٸز وتباسىمىزبەن زاۋىتتىڭ جاتاقحاناسىندا تەگٸن تۇرامىز, جاتاقحانادا تۇرمىسقا قاجەتتٸ جاعدايلاردىڭ بەرٸ بار. جۇمىس كەستەسٸ جاس وتباسىمىز ٷشٸن قولايلى, جالاقىمىز تۇراقتى, - دەپ وي بٶلٸستٸ مينار دٷيسەبەك.
جالپى جەتٸسۋ وبلىسىنىڭ ٶنەركەسٸپتٸك ەلەۋەتٸن 500-دەن استام كەسٸپورىن تانىتىپ وتىر, وسى سالادا 30 مىڭعا جۋىق ادام جۇمىسپەن قامتىلعان. ٶڭٸردەگٸ ٶنەركەسٸپتٸڭ باسىم بٶلٸگٸ تاماق ٶنٸمدەرٸن, قۇرىلىس ماتەريالدارىن ٶندٸرۋ, سونداي-اق ماشينا جاساۋ باعىتىندا جۇمىس ٸستەيدٸ. سونىمەن بٸرگە جەڭٸل, حيمييا, مەتاللۋرگييا سالالارى دامۋدا. بۇل رەتتە 2027 جىلعا دەيٸن ٶنەركەسٸپ سالاسىندا 1,7 ترلن. تەڭگە سوماسىنا تاعى 34 ينۆەستيتسييالىق جوبانى ٸسكە اسىرۋ جوسپارلانۋدا.
