تالدىقورعان قالاسىنىڭ قوعامدىق كەڭەسٸ قاڭتار وقيعاسىنان كەيٸن تەرگەۋگە ٸلٸككەن تالدىقورعان قالالىق ٸٸب (پب) بۇرىنعى باسشىسى اسقار نۇرساپاعا قاتىستى قىلمىستىق قۋدالاۋدى توقتاتۋعا بايلانىستى پرەزيدەنت قاسىم-جومارت توقاەۆقا ٷندەۋ جولدادى, دەپ حابارلايدى Dalanews.kz.
“2022 جىلدان بەرٸ باس پروكۋراتۋرا مەن الماتى وبلىسىنىڭ پروكۋراتۋراسى تالدىقورعان قالالىق ەكٸمشٸلٸگٸنٸڭ عيماراتىن قاراۋسىز قالدىرۋ جەنە قىزمەتتٸك قارۋدى ۇرلاۋ فاكتٸلەرٸ بويىنشا قىلمىستىق ٸستٸ تەرگەپ جاتىر. قاڭتار وقيعاسى كەزٸندە قالالىق ٸشكٸ ٸستەر بٶلٸمٸن اسقار نۇرساپا باسقاردى. ول قىزمەتتٸك بورىشىن ٶتەۋ بارىسىندا قالانىڭ ورتالىق الاڭىندا سوڭىنا دەيٸن تٶبە كٶرسەتتٸ. جاپپاي تەرتٸپسٸزدٸك سالدارىنان اۋىر دەنە جاراقاتىن العان, بٸراق اۋرۋحاناعا جاتقىزىلماعان”, - دەلٸنگەن ٷندەۋدە.
كازتاگ مەلٸمەتٸنشە, كەڭەس مٷشەلەرٸ نۇرساپانىڭ تەرتٸپ ساقشىلارىن الاڭنان جەنە قالالىق ٸٸب عيماراتىنان ەۆاكۋاتسييالاۋ تۋرالى پەرمەن بەرمەگەنٸن, كەرٸسٸنشە, ٸٸب كەزەكشٸسٸنە قورعانىستى ۇستاپ تۇرۋ تۋرالى بۇيرىق بەرگەنٸنە جەنە الاڭعا كەتٸپ بارا جاتىپ, تالدىقورعان ٸٸب عيماراتى بويىنشا قارۋلى قىزمەتكەرلەردٸ ورنالاستىرعانىنا نازار اۋداردى. سونىمەن قاتار قوعام بەلسەندٸلەرٸ نۇرساپانىڭ العان جاراقاتىنا قاراماستان تەۋلٸك بويى قىزمەتٸن جالعاستىرىپ, پوليتسييا بٶلٸمٸ عيماراتىنان قالعان قارۋ-جاراق پەن وق-دەرٸلەردٸ شىعارۋدى ۇيىمداستىرعانىن قوستى. ارتىنشا تەرتٸپ ساقشىسى دەنە جاراقاتى ٷشٸن مەملەكەتتەن ٶتەماقى العان.
"بۇرىنعى ٸشكٸ ٸستەر مينيسترٸ ە. ز. تۇرعىمباەۆ 2022 جىلى 31 قاڭتاردا ا.س. نۇرساپانى قىزمەتٸنەن زاڭسىز تٷردە بوساتادى. بٸر جىل تەرگەۋ جٷردٸ. نەتيجەسٸندە ونىڭ اتىنا تاعىلعان بارلىق ايىپ الىنىپ تاستالدى. 2023 جىلدىڭ اقپان ايىندا الماتى وبلىسىنىڭ ٸٸد-دە جۇمىسقا قايتا قابىلداندى. الايدا 2024 جىلى 28 اقپاندا قر باس پروكۋراتۋراسى ا.س. نۇرساپاعا قارسى ٸستٸ توقتاتۋ تۋرالى بۇرىن قابىلدانعان شەشٸم كٷشٸن جوياتىنىن جەنە باق ارقىلى ٸستٸڭ قايتا باستالعانى تۋرالى حابارلايدى", - دەلٸنگەن حابارلامادا.
قوعام بەلسەندٸلەرٸ اتاپ ٶتكەندەي, نۇرساپا تالدىقورعان جپب-ٸن باسقارعان ٷش جىل ٸشٸندە بٸرقاتار سالماقتى ٸس اتقارعان. ونىڭ تۇسىندا اۋىر جەنە اسا اۋىر قىلمىستار اشىلعان, قالا بەردٸ ٶزٸنە سەنٸپ تاپسىرىلعان بٶلٸمشەدە بٸردە-بٸر سىبايلاس جەمقورلىق قىلمىسىنا جول بەرمەگەن. ال الماتى پوليتسييا دەپارتامەنتٸندە جۇمىس ٸستەگەن سوڭعى بٸر جىل ٸشٸندە ەسٸرتكٸنٸڭ زاڭسىز اينالىمىنا قاتىستى بٸرقاتار اتىشۋلى قىلمىستىق ٸستەردٸڭ بەتٸن اشقان.
“بٸز نۇرساپانى ساۋاتتى ەرٸ ەدەپتٸ پوليتسەي رەتٸندە بٸلەمٸز. تۋعان جەرٸمٸز تالدىقورعاندا تۋىپ-ٶسكەن, وقىعان, ٷيلەنگەن, ەكٸ بالانىڭ ەكەسٸ. وسى ۋاقىتقا دەيٸن قازاقستان حالقىنا ادال قىزمەت ەتتٸ. قۇرمەتتٸ قاسىم-جومارت كەمەلۇلى! بٸز, تالدىقورعان قالالىق قوعامدىق كەڭەسٸنٸڭ مٷشەلەرٸ, تۋىنداعان جاعدايعا بايلانىستى سٸزگە حابارلاسۋعا مەجبٷرمٸز, سونىمەن قاتار نۇرساپانى قۋدالاۋدى توقتاتۋعا ىقپال ەتۋٸڭٸزدٸ سۇرايمىز”, - دەلٸنگەن ٷندەۋدە.
بۇل قۇجاتقا قوعامدىق كەڭەس تٶراعاسىن قوسقاندا 19 ادام قول قويدى.
سونىمەن قاتار ولار نۇرساپانىڭ ٸسٸ ەل باسشىلىعىنىڭ نازارىنان تىس قالىپ وتىرعانىنا شاعىمدانادى.
سونداي-اق كازتاگ رەداكتسييانىڭ قاراۋىندا قوعامدىق كەڭەس مٷشەلەرٸ نۇرساپانىڭ تٶڭٸرەگٸندەگٸ جاعدايدى تالقىلاپ, ونىڭ ورنىنا قاڭتار وقيعاسى كەزٸندە قاشىپ كەتكەن جوعارى لاۋازىمدى شەنەۋنٸكتەردٸڭ نەگە قولدى بولماي جاتقانىن العا تارتتى.
قازتاگ رەداكتسيياسى قۇزىرلى مەملەكەتتٸك ورگانداردى اتالعان باسىلىمدى سيپاتتالعان جاعدايعا قاتىستى تٷسٸنٸكتەمە سۇراۋى رەتٸندە قاراستىرۋعا شاقىرادى.
