تاجىكستاندىقتار قارا ءناسىلدى جىگىتتى جىن دەپ ويلاعان، - دەپ حابارلايدى Dalanews.kz.
وقيعا تاجىكستانداعى ۆاحدات اۋىلىندا بولعان. ۋگاندا ازاماتى تۇنگى ۋاقىتتا ۇيدى-ۇيگە كىرىپ، تاماق ىزدەپ جۇرگەن. وسىلايشا قارا ءناسىلدى جىگىت اۋىل تۇرعىندارىن شوشىتقان.
كەيبىر دەرەكتەر بويىنشا، ۋگاندالىق ازامات اۋىل شارۋاشىلىعىنا پايدالانىلاتىن جەرلەردى ورتەپ كەتەتىن كورىنەدى. الايدا ورتكە قاتىستى اقپارات راستالعان جوق جانە ونى جەرگىلىكتى تۇرعىندار ويلاپ تاپقان بولۋى مۇمكىن.
ارتىنشا ەكى جۇزگە جۋىق تاجىك ازاماتى "جىندى" ىزدەي باستاعان. ىزدەۋ جۇمىستارى ءۇش كۇن بويى جۇرگەن. جەرگىلىكتى تۇرعىندار "جىندى" ۇستاساق ولتىرەمىز دەپ ويلاعان.
الايدا ۋگاندا ازاماتى اۋىلدان قاشىپ، پاترۋلدىك-بەكەتتىك قىزمەتكە كەلىپ ۇلگەرگەن.
