ەلەمدٸك نارىقتا مۇناي باعاسى تاياۋ شىعىستاعى جاعدايدىڭ قايتا ۋشىعۋىنا بايلانىستى قايتا قىمباتتاي باستادى, دەپ حابارلايدى dalanews.kz.
لوندونداعى ICE Futures بيرجاسىندا Brent ماركالى مۇنايدىڭ شٸلدە ايىنداعى فيۋچەرستەرٸ باررەلٸنە 1,29 دوللارعا ٶسٸپ, 101,35 دوللارعا جەتتٸ. بٸر كٷن بۇرىن Brent باعاسى كەرٸسٸنشە 1,2 پايىزعا ارزانداپ, 100,06 دوللار بولعان ەدٸ.
ال نيۋ-يورك تاۋار بيرجاسىنداعى WTI مۇنايىنىڭ ماۋسىم ايىنداعى فيۋچەرستەرٸ 1,05 دوللارعا قىمباتتاپ, باررەلٸنە 95,86 دوللار بولدى. الدىڭعى سەسسييادا WTI باعاسى 94,81 دوللارعا دەيٸن تٶمەندەگەن.
بۇعان دەيٸن مۇناي باعاسى اقش پەن يران اراسىنداعى شيەلەنٸستٸڭ بەسەڭدەۋٸ مٷمكٸن دەگەن سيگنالداردان كەيٸن بٸردەن 5 دوللارعا دەيٸن ارزانداعان بولاتىن.
سوعان قاراماستان Brent پەن WTI ماركالارى وسى اپتانى جالپى العاندا 6 پايىزدان استام تٶمەندەۋمەن اياقتاپ جاتىر.
