اقش پەن يران اراسىنداعى شيەلەنٸستٸڭ جاڭا كەزەڭگە ٶتۋٸنەن كەيٸن ەلەمدٸك مۇناي باعاسى كٷرت ٶستٸ, دەپ حابارلايدى dalanews.kz.
ساۋدا-ساتتىق بارىسىندا Brent ماركالى مۇنايدىڭ باعاسى 3,5%-دان استام ٶسٸپ, باررەلٸنە 78,35–79 دوللارعا دەيٸن جەتتٸ. ال امەريكالىق WTI مۇنايىنىڭ قۇنى 73,62 دوللارعا كٶتەرٸلدٸ.
باعانىڭ قىمباتتاۋىنا اقش-تىڭ يرانعا جاساعان جاڭا ەۋە شابۋىلدارى مەن تەگەراننىڭ ەلەمدٸك مۇناي جەتكٸزۋدەگٸ نەگٸزگٸ باعىتتاردىڭ بٸرٸ سانالاتىن ورمۇز بۇعازىن رەسمي تٷردە جابۋى باستى سەبەپ بولعان. بۇدان بٶلەك, اقش نىساندارى مەن تاياۋ شىعىستاعى امەريكالىق وداقتاستارعا جاسالعان شابۋىلدار دا نارىقتاعى الاڭداۋشىلىقتى كٷشەيتتٸ.
اقش ورتالىق قولباسشىلىعىنىڭ (CENTCOM) مەلٸمەتٸنشە, ەسكەري وپەراتسييانىڭ ماقساتى – يراننىڭ ورمۇز بۇعازى ماڭىندا شابۋىل جاساۋ مٷمكٸندٸگٸن ودان ەرٸ ەلسٸرەتۋ. ال يراننىڭ مەملەكەتتٸك اقپارات قۇرالدارى سيريك, بەندەر-ابباس, دجاسك قالالارىندا جەنە كەشم ارالىندا جارىلىستار بولعانىن حابارلادى.
قازٸرگٸ شيەلەنٸس يراننىڭ كونتەينەرلٸك كەمەگە شابۋىل جاساپ, كەيٸن ورمۇز بۇعازىنىڭ جابىلعانىن جارييالاۋىنان كەيٸن ۋشىققان. بۇعان جاۋاپ رەتٸندە اقش يران اۋماعىنا بٸرنەشە سوققى جاساعان. كەيٸن يران ايماقتاعى اقش-تىڭ وداقتاستارىنا شابۋىل ۇيىمداستىرعان.
مۇناي باعاسى ايتارلىقتاي ٶسكەنٸمەن, ول ەزٸرگە الدىڭعى داعدارىستار كەزٸندە تٸركەلگەن باررەلٸنە شامامەن 120 دوللارلىق ەڭ جوعارى دەڭگەيدەن تٶمەن قالىپ وتىر.
ساراپشىلاردىڭ پٸكٸرٸنشە, ەگەر اقش پەن يران اراسىنداعى قاقتىعىس ودان ەرٸ ٶرشي تٷسسە, مۇناي باعاسى تاعى دا قىمباتتاپ, ەلەمدٸك ەكونوميكاعا تٷسەتٸن قىسىم كٷشەيۋٸ مٷمكٸن.
بۇۇ باس حاتشىسى انتونيۋ گۋتەرريش جاعدايدىڭ ۋشىعۋىنا بايلانىستى تەرەڭ الاڭداۋشىلىق بٸلدٸرٸپ, اقش پەن يراندى كەلٸسسٶزدەرگە دەرەۋ ورالۋعا شاقىردى. ونىڭ ايتۋىنشا, شيەلەنٸستٸڭ ودان ەرٸ كٷشەيۋٸ ەلەمدٸك ەكونوميكا مەن حالىقارالىق قاۋٸپسٸزدٸككە اۋىر سالدار ەكەلۋٸ ىقتيمال.
