شىمكەنتتە جەكە قويمالار اۋماعىندا شىققان ٸرٸ ٶرت تولىقتاي سٶندٸرٸلدٸ. وقيعا سالدارىنان كٷيٸك شالعان ەكٸ ادام اۋرۋحاناعا جەتكٸزٸلدٸ, دەپ حابارلايدى dalanews.kz.
تٶتەنشە جاعدايلار مينيسترلٸگٸنٸڭ مەلٸمەتٸنشە, ٶرت 25 ماۋسىم كٷنٸ ەڭبەكشٸ اۋدانىنداعى يسفيدجاب تۇرعىن الابىندا ورنالاسقان جەكە قويمالار اۋماعىندا بولعان.
تٸلسٸز جاۋ قويمالاردىڭ شاتىرىن, جٷك كٶلٸگٸنەن تٶگٸلگەن ديزەل وتىنىن جەنە اۋماقتا ساقتالعان رەزەڭكە بۇيىمداردى شارپىعان. ٶرت شىققان جەردٸڭ دەل جانىندا ديزەل وتىنى تيەلگەن جٷك كٶلٸگٸ تۇرعان.
وقيعا كەزٸندە ەكٸ ادام تٷرلٸ دەرەجەدەگٸ كٷيٸك الىپ, مەديتسينالىق مەكەمەگە جاتقىزىلدى.
ٶرتتٸ سٶندٸرۋگە تٶتەنشە جاعدايلار مينيسترلٸگٸنٸڭ 56 قىزمەتكەرٸ مەن 30 تەحنيكاسى جۇمىلدىرىلدى. سونداي-اق وقيعا ورنىندا اپاتتار مەديتسيناسى ورتالىعىنىڭ ماماندارى كەزەكشٸلٸك ەتتٸ.
مينيسترلٸكتٸڭ مەلٸمەتٸنشە, ٶرت سٶندٸرۋشٸلەردٸڭ جەدەل ەرٸ ٷيلەسٸمدٸ ەرەكەتٸنٸڭ ارقاسىندا جالىننىڭ جانارماي تيەلگەن جٷك كٶلٸگٸنە تارالۋىنا جول بەرٸلمەي, ٶرت تولىقتاي اۋىزدىقتالعان.
قازٸر ٶرتتٸڭ شىعۋ سەبەبٸ مەن وقيعانىڭ بارلىق مەن-جايى انىقتالىپ جاتىر.
تٶتەنشە جاعدايلار مينيسترلٸگٸ تۇرعىنداردى ٶرت قاۋٸپسٸزدٸگٸ تالاپتارىن قاتاڭ ساقتاۋعا شاقىرىپ, قاراپايىم قاۋٸپسٸزدٸك ەرەجەلەرٸن ساقتاۋ ادام ٶمٸرٸ مەن مٷلكٸن قورعاۋدىڭ باستى كەپٸلٸ ەكەنٸن ەسكە سالدى.
