شىمكەنت ماڭىندا بولعان اۋىر جول اپاتىنان بٸر وتباسىنىڭ ٷش مٷشەسٸ كٶز جۇمدى. قازا تاپقانداردىڭ ەكەۋٸ – كەمەلەتكە تولماعان بالالار, دەپ حابارلايدى dalanews.kz.
Stan.kz جازۋىنشا, كٶلٸكتە 44 جاستاعى گاۋحار ٶزٸلباەۆا, ونىڭ وقۋعا ەندٸ تٷسكەن قىزى جەنە تۋىستارىنىڭ 11 جاستاعى بالاسى بولعان.
وتباسى مٷشەلەرٸنٸڭ ايتۋىنشا, ولار جەكسەنبٸ كٷنٸ ارىستان شىمكەنتكە قاراي جولعا شىققان. بالالارعا مەكتەپكە قاجەتتٸ كيٸم-كەشەك الۋ جوسپارلانعان. ولارعا استانادان كەلگەن تۋىستارى دا قوسىلعان.
قايعىلى وقيعا جاقىندارىنىڭ كٶز الدىندا بولعان. مارقۇم 11 جاستاعى ايدوستىڭ ەكەسٸ ەرعالي ٶزٸلبايدىڭ سٶزٸنشە, ول الدا كەلە جاتقان, ال تۋىستارى مٸنگەن كٶلٸك ارتىنان جٷرگەن.
ونىڭ ايتۋىنشا, بٸر سەتتە قارسى باعىتتان جٷك كٶلٸگٸ ٶتكەننەن كەيٸن اپات بولعان.
"بٸردەن كەرٸ بۇرىلىپ, وقيعا ورنىنا باردىم. جٷك كٶلٸگٸنٸڭ يەلەرٸ العاشىندا ۆيدەوجازبا بار ەكەنٸن ايتتى. كەيٸن كامەرا جۇمىس ٸستەمەيدٸ, فلەشكا جوق دەدٸ. جٷرگٸزۋشٸنٸڭ دە ايتقانى ەرتٷرلٸ بولدى", – دەدٸ مارقۇمنىڭ ەكەسٸ.
بۇل – وتباسى تاراپىنىڭ مەلٸمدەمەسٸ. وقيعانىڭ ناقتى سەبەپتەرٸ تەرگەۋ بارىسىندا انىقتالماق.
شىمكەنت قالالىق پوليتسييا دەپارتامەنتٸ 9 تامىزدا شىمكەنت – بادام تاسجولىندا بولعان جول-كٶلٸك وقيعاسىنا بايلانىستى قىلمىستىق ٸس قوزعالعانىن حابارلادى.
"قازٸرگٸ ۋاقىتتا وقيعانىڭ بارلىق مەن-جايىن انىقتاۋعا باعىتتالعان قاجەتتٸ تەرگەۋ ەرەكەتتەرٸ جٷرگٸزٸلٸپ جاتىر. تەرگەۋ نەتيجەسٸ بويىنشا تيٸستٸ پروتسەسسۋالدىق شەشٸم قابىلدانادى", – دەلٸنگەن پوليتسييا حابارلاماسىندا.
قارا جامىلعان وتباسى ٷش ادامدى سوڭعى ساپارعا شىعارىپ سالعان. جاقىندارى اپاتتىڭ سەبەپتەرٸ جان-جاقتى انىقتالىپ, كٸنەلٸ تۇلعالارعا زاڭ اياسىندا باعا بەرٸلۋٸن تالاپ ەتٸپ وتىر.
