سۋديا شەرزات پولات ءىسى بويىنشا باستى سوت وتىرىسى قاشان وتەتىنىن ايتتى، دەپ حابارلايدى Dalanews.kz.
سۋديا باستى سوت وتىرىسىن 17 ساۋىردە ساعات 10:00-گە بەلگىلەدى. ودان كەيىنگى سوت وتىرىسى 18 ساۋىردە وتەدى.
سۋديانىڭ قاۋلىسىنا سايكەس، سوت وتىرىسى اپتاسىنا ەكى رەت، بەيسەنبى جانە جۇما كۇندەرى وتەدى.
ەسكە سالايىق، بۇگىن تالدىقورعاندا شەرزات ءىسى بويىنشا الدىن الا سوت تىڭداۋى ءوتتى.
“سوت وتىرىسىنا قاتىسۋشىلاردىڭ پىكىرلەرىن ەسكەرە وتىرىپ، سوت بۇل ءىس بويىنشا سوت تالقىلاۋىن اشىق رەجيمدە وتكىزۋ تۋرالى شەشىم قابىلدادى”، — دەدى جوعارعى سوت.
ترانسلياسيا جوعارعى سوتتىڭ YouTube ارناسىندا ءوتتى.
ايتا كەتەيىك، بۇعان دەيىن جوعارعى سوت شەرزات بولات ءىسى بويىنشا سوت وتىرىسى نەلىكتەن جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا وتەتىنىن تۇسىندىرگەن ەدى.
“ايىپ تاعىلعان توعىز ادام تالدىقورعانداعى تەرگەۋ يزولياتورىندا قاماۋدا وتىر. سوعان بايلانىستى سوت وتىرىسى جەتىسۋ وبلىسىندا وتەدى”، — دەدى ولار.
